• search
  • Live TV
కరీంనగర్ వార్తల కోసం
నోటిఫికేషన్స్ పై క్లిక్ చేయండి  

పట్టపగలే అరగంటలో బ్యాంకులో రూ.46 లక్షల దోపిడీ

By Srinivas
|

Karimnagar District
కరీంనగర్: కరీంనగర్ జిల్లా చొప్పదండి మండల కేంద్రంలోని స్టేట్ బ్యాంకులో శనివారం పట్టపగలే భారీ దొంగదనం జరిగింది. ఎలాంటి ముసుగులు ధరించకుండా బ్యాంక్‌లోకి చొరబడిన అ గంతకులు సిబ్బందిని బెదిరించి లాకర్‌ను తెరిపించి అందులోని రూ.46 లక్షలు ఎత్తుకెళ్లారు. రెండు బైక్‌లపై నలుగురు యువకులు వచ్చి అరగంటలో ఆపరేషన్ పూర్తి చేసి దర్జాగా పారిపోయారు. సంఘటనా స్థలాన్ని ఎస్పీ శివ కుమార్ పరిశీలించారు.

వివరాల ప్రకారం.. చొప్పదండిలోని రాయపట్నం రహదారిపై నడిఒడ్డున ఎస్‌బిఐ ఉండగా శనివారం ఉదయం తొమ్మిదిన్నరకు మేనేజర్ విశ్వేశ్వర్ రావు బ్యాంక్ చిన్న గేట్‌ను తెరిచి లోపలికి వెళ్లారు. వెంటనే ఓ యువకుడు వచ్చి రూ.3 లక్షల రూపాయలు ఖాతా నుంచి తీసుకోవాలని అడిగాడు. గంట తర్వాత రావాలని మేనేజర్ చెప్పగా వెంటనే ఆ యువకుడు రివాల్వర్ తీసి మేనేజర్‌కు గురి పెట్టాడు. బ్యాంక్‌లోని డబ్బులు ఇవ్వాలని అడిగాడు.

మరో ముగ్గురు యువకులు బ్యాంక్‌లోకి వచ్చారు. అంతలోనే క్యాషియర్లు, ఇతరులు లోపలకు వచ్చారు. వారిపై రివాల్వర్‌తో పాటు కత్తులతో బెదిరించారు. అకౌంటెంట్ గీత లోపలికి రాగానే కత్తితో ఓ యువకుడు బెదిరించాడు. వారు అరిచే ప్రయత్నం చేయగా ముగ్గురు యువకులు సిబ్బందిని చితకబాది స్టేషనరి గదిలో బంధించారు. అందరి సెల్‌షోన్లను తీసుకుని మేనేజర్‌తో లాకర్ తెరిపించి అందులోని 46 లక్షల రూపాయలను తీసుకుని అక్కడే ఉన్న గోనె సంచుల్లో వేసుకుని వెళ్లిపోయారు.

అనంతరం మేనేజర్ పోలీసులకు సమాచారాన్ని అందించగా సిఐ, ఎస్ఐలు సంఘటనా స్థలానికి చేరుకుని ఉన్నతాధికారులకు సమాచారాన్ని అందించారు. డిఎస్పీ క్లూస్ టీంతో బ్యాంక్‌కు చేరుకుని సిసి పుటేజిలను పరిశీలించారు. కాగా నలుగురు యువకులు 20 నుంచి 25 ఏళ్ల లోపు ఉండగా హిందీలో మాట్లాడారని సిబ్బంది చెప్పారు. పోలీసులు విచారిస్తున్నారు.

English summary
Four thieves theft Rs.46 lakhs from Bank at Choppadandi in Karimnagar district on Saturday.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X