కాల్వలో పడిన స్కూల్ బస్సు, విద్యార్థిని మృతి

గుంటూరు: ఏపీలోని గుంటూరు జిల్లా మంగళగిరి మండలం నూతక్కి వద్ద పాఠశాల బస్సు బోల్తా పడింది. ఈ ప్రమాదంలో ఒక విద్యార్థిని మృతి చెందింది. పలువురు విద్యార్థులకు గాయాలయ్యాయి. యాక్సిల్ విరగడంతో బస్సు కాలువలోకి దూసుకు వెళ్లింది.

ప్రమాదం జరిగిన సమయంలో బస్సులో ఇరవై మందికి పైగా విద్యార్థులు ఉన్నారు. గాయపడ్డ వారిని చికిత్స నిమిత్తం దగ్గరలోని ఆసుపత్రికి తరలించారు. ఈ ఘటనలో మృతి చెందిన విద్యార్థిని లహరి. ఆమె వయస్సు ఏడు. ఏడో తరగతి చదువుతోంది. ఈ బస్సు విజ్ఞాన్ విహార్ పాఠశాలకు చెందిన బస్సు.

బస్సు దుగ్గిరాల మండలం శృంగారపురం నుండి విద్యార్థులను తీసుకు వస్తుండగా నూతక్కి - కొత్తపాలెం రహదారిలో ప్రమాదవశాత్తూ తాటిచెట్టు మొద్దును ఢీకొట్టింది. బస్సులోకి దూసుకు వచ్చిన తాటిమొద్దు తగిలి విద్యార్థిని లహరి అక్కడికి అక్కడే మృతి చెందింది. అనంతరం బస్సు కాలువలోకి దూసుకెళ్లింది.

English summary

School bus accident one dead, 20 students injured