లైంగిక వేధింపుల నోటీసు, సారీ చాలదన్న విక్టిమ్
ఇప్పటికీ అతనిపై ఎలాంటి చర్య తీసుకోలేదనీ, అదే వ్యక్తితో కలిసి ఒకే విభాగంలో పని చేయాల్సి వస్తోందని, ఇద్దరిలో ఎవరికీ స్థానం మార్చలేదని తన నోటీసులో బాధిత మహిళా శాస్త్రవేత్త పేర్కొన్నారు. కాగా ఇక్రిశాట్ పాలక మండలి అధ్యక్షుడు ఎస్జె పూలె ఈ నోటీసుపై స్పందించారు. బాధితురాలి ఫిర్యాదును మళ్లీ పరిశీలించాల్సిందిగా యాజమాన్యాన్ని కోరతామని తెలిపారు.
సదరు ఉద్యోగితో బాధితురాలికి ఇప్పటికే క్షమాపణలు చెప్పించినట్లు పూలె పేర్కొన్నారు. ఇప్పుడు మళ్లీ విచారణ జరుపుతామని, రానున్న కాలంలో ఇలాంటి సంఘటనలు పునరావృతం కాకుండా చర్యలు తీసుకుంటామని ఇక్రిశాట్ అధికార వర్గాలు శుక్రవారం పేర్కొన్నాయి.
అయితే నాలుగు గోడల మధ్య క్షమాపణలు చెప్పించడం ఇందుకు పరిష్కారం కాదని బాధితురాలు పేర్కొన్నారు. సదరు ఉద్యోగి, తాను ఒకే విభాగంలో పని చేయడం వల్ల తనకు ఇబ్బందిగా ఉందని బాధితురాలు తెలిపింది. కాగా తమ ఉద్యోగులపై లైంగిక వేధింపుల లాంటి సంఘటనలు సహించబోమని, ఇలాంటి సంఘటనలకు పాల్పడిన వారిపై తగిన చర్యలు తీసుకుంటామని ఇక్రిశాట్ అధికార వర్గాలు తెలిపాయి.
Click it and Unblock the Notifications
Sign in with Google