శశికళకు ఐటీ శాఖ భారీ షాక్: రూ. 2వేల కోట్ల ఆస్తులు అటాచ్
చెన్నై: దివంగత తమిళనాడు మాజీ ముఖ్యమంత్రి జయలలిత నెచ్చెలి వీకే శశికళకు ఆదాయపుపన్ను శాఖ(ఐటీ) భారీ షాకిచ్చింది. రూ. 2వేల కోట్ల విలువైన ఆమె ఆస్తులను బినామీ నిషేధిత చట్టం ప్రకారం అటాచ్ చేస్తున్నట్లు స్పష్టం చేసింది.
కొడనాడ్, సిరతవూర్లో శశికళ, ఇళవరసి, సుధాకరణ్ పేరిట ఉన్న ఆస్తులను సీజ్ చేసినట్లు వెల్లడించింది. ఆయా ప్రాంతాల్లో బయట ఐటీ శాఖ అధికారులు నోటీసులు అంటించారు.
మాజీ సీఎం జయలలిత నెచ్చెలి శశికళకు చెందిన ఆస్తులను బుధవారం ఐటీ శాఖ అటాచ్ చేసింది. తమిళనాడులోని కొడనాడు, సిరతవూర్లలోని రూ. 2వేల కోట్ల విలువైన ఆస్తులను సీజ్ చేసిందని ఆ నోటీసుల్లో పేర్కొంది.
ఆదాయానికి మించిన ఆస్తుల కేసులో శశికళతోపాటు ఇళవరసి, సుధాకరన్ కూడా జైలు శిక్ష అనుభవిస్తున్న విషయం తెలిసిందే. ఇప్పటికే నాలుగేళ్లుగా జైలు శిక్ష అనుభవిస్తోంది శశికళ. కాగా, బెంగళూరులోని పరప్పన అగ్రహార జైలు, బినామి సంస్థ, వివిధ సబ్-రిజిస్ట్రార్ కార్యాలయాలు (ఎస్ఆర్ఓ) వద్ద శశికళకు నోటీసు అందజేసినట్లు ఐ-టి వర్గాలు తెలిపాయి.
చెన్నైలోని బెనామి ప్రొహిబిషన్ యూనిట్ 300 కోట్ల రూపాయల విలువైన నగరంలో, చుట్టుపక్కల ఆస్తులను తాత్కాలికంగా అటాచ్ చేసిన నేపథ్యంలో ఇది జరగడం గమనార్హం. దివంగత ముఖ్యమంత్రి జయలలిత వేద నిలయం నివాసం నుండి షెల్ కంపెనీల ద్వారా రహదారి వెంట ఉన్న సైట్తో సహా ఈ ఆస్తులను శశికళ కొనుగోలు చేసినట్లు చెబుతున్నారు.
Recommended Video
అటాచ్మెంట్ తాత్కాలిక ఉత్తర్వు 1988లో బెనామి ఆస్తి లావాదేవీల నిషేధ చట్టం సెక్షన్ 24 (3) కింద జారీ చేయబడింది. పన్ను శాఖ 2017 లో శశికళ, మరికొందరిపై భారీ దాడులు నిర్వహించింది. వీటికి సంబంధించిన పత్రాలు అప్పుడు ఆస్తులు రికవరీ చేసుకున్నారు.
Click it and Unblock the Notifications
Sign in with Google