ఎన్‌కౌంటర్: ఇద్దరు ఉగ్రవాదుల హతం

జమ్మూకాశ్మీర్‌లోని బారాముల్లా జిల్లాలో ఇద్దరు ఉగ్రవాదులను సైన్యం మట్టుబెట్టింది. ఓ ఇంట్లో దాగి ఉన్న ముష్కరులపై కాల్పులు జరిపి హతమార్చినట్లు ఆర్మీ అధికారులు వెల్లడించారు.

శ్రీనగర్‌: జమ్మూకాశ్మీర్‌లోని బారాముల్లా జిల్లాలో ఇద్దరు ఉగ్రవాదులను బుధవారం ఉదయం సైన్యం హతమార్చింది. ఓ ఇంట్లో దాగివున్న ముష్కరులపై కాల్పులు జరిపి మట్టుబెట్టినట్లు ఆర్మీ అధికారులు వెల్లడించారు.

బారాముల్లాలోని రఫియాబాద్‌ ప్రాంతంలో ఉగ్రవాదులు సంచరిస్తున్నారనే సమాచారం రావడంతో పోలీసులు, భద్రతాసిబ్బంది సంయుక్తంగా మంగళవారం రాత్రి నుంచి కార్డన్‌ సెర్చ్‌ నిర్వహిస్తున్నారు.

ఈ క్రమంలో పజల్‌పొరా గ్రామంలోని ఓ ఇంట్లో ఉగ్రవాదులు దాగి ఉన్నారని గుర్తించిన భద్రతాసిబ్బంది ఆ ఇంటిని చుట్టుముట్టారు. గమనించిన ముష్కరులు జవాన్లపైకి కాల్పులు జరిపారు. దీంతో భద్రతాసిబ్బంది ఎదురుకాల్పులు జరిపారు. భద్రతా దళాల కాల్పుల్లో ఇద్దరు ఉగ్రవాదులు హతమయ్యారు. ఘటనాస్థలంలో రెండు ఆయుధాలను పోలీసులు స్వాధీనం చేసుకున్నారు.

English summary

Two terrorists have been killed in an encounter that took place at Sopore in Jammu and Kashmir early Wednesday morning. Security forces engaged the terrorists for nearly three hours before finally gunning them down.