పాత నోట్లుంటే నాలుగేళ్ల జైలుశిక్ష: కొత్త ఆర్డినెన్సుకు ఆమోదం, మార్చి 31 నుంచి అమలు

పెద్దనోట్ల రద్దుపై రూపొందించిన ఆర్డినెన్సుకు బుధవారం కేంద్ర మంత్రివర్గం ఆమోద ముద్ర వేసింది.

న్యూఢిల్లీ: పాత నోట్లపై కేంద్రం కొత్త నిర్ణయం తీసుకుంది. బుధవారం అత్యవసరంగా భేటీ అయిన కేంద్ర కేబినెట్ పెద్దనోట్ల రద్దుపై రూపొందించిన ఆర్డినెన్సుకు ఆమోద ముద్ర వేసింది. ఈ ఆర్డినెన్సు ప్రకారం.. 2017 మార్చి 31 తర్వాత 10 కంటే ఎక్కువ పాతనోట్లు కలిగి ఉన్న వారికి 4 ఏళ్ల జైలుశిక్ష విధిస్తారు.

అలాగే మార్చి 31 తరువాత పాత నోట్లను మార్చుకునే వారికి, పాతనోట్ల లావాదేవీలలో పాలుపంచుకున్న వారికి రూ.5 వేలు జరిమానా విధిస్తారు. ఈ మేరకు రూపొందించిన ఆర్డినెన్సును ఆమోదించిన కేంద్ర కేబినెట్ దానిని రాష్ట్రపతి ఆమోదం కోసం రాష్ట్రపతి భవన్ కు పంపనుంది.

ఈ కొత్త ఆర్డినెన్సుకు ' ది స్పెసిఫైడ్ బ్యాంక్ నోట్స్ సెసేషన్ ఆఫ్ లయబిలిటీస్ ఆర్డినెన్స్'గా పీరు పెట్టారు. డిసెంబర్ 30 తర్వాత కూడా పాత రూ.500, రూ.1000 నోట్లు బ్యాంకుల్లో డిపాజిట్ చేయకుండా ఉన్నవారిపై న్యాయపరమైన చర్యలు తీసుకునేలా ఉన్న క్లాజును కూడా కేంద్ర ప్రభుత్వం ఈ ఆర్డినెన్సులో చేర్చింది.

నిజానికి రిజర్వు బ్యాంకు చట్టాన్ని సవరించాలని కేంద్రం తొలుత భావించింది. అయితే గడువు ముగిసిన వెంటనే పార్లమెంట్ సమావేశాలు నిర్వహించే వీలు లేకపోవడంతో కేంద్రం ఈ ఆర్డినెన్సు మార్గాన్ని ఎంచుకుంది. బ్యాంకులు, పోస్టాఫీసుల్లో కూడా పాత నోట్ల డిపాజిట్ కు గడువు డిసెంబర్ 30 మాత్రమే. ఈ గడువు తర్వాత మార్చి 31 వరకు కేవలం రిజర్వు బ్యాంకు వద్ద మాత్రమే పాతనోట్ల మార్పిడి జరుగుతుంది.

English summary

The Union cabinet on Wednesday approved the Ordinance on deadline to deposit old notes. As per the Ordinance, people involved in transaction of old notes will face penalty of Rs 5000, while those possessing old notes in excess of 10 notes post March 31 will face 4-year Jail term in certain cases.