టేకాఫ్ అవుతుండగా.. జెట్ బ్లాస్ట్, ఇండిగో ఫ్లైట్ కు త్రుటిలో తప్పిన ప్రమాదం

ఢిల్లీ నుంచి ముంబై వెళ్లేందుకు టేకాఫ్ కు సిద్ధమవుతున్న ఇండిగో విమానానికి త్రుటిలో పెను ప్రమాదం తప్పిపోయింది. శుక్రవారం సాయంత్రం ఢిల్లీ ఎయిర్ పోర్టులో ఈ ఘటన చోటు చేసుకుంది.

న్యూఢిల్లీ: ఢిల్లీ నుంచి ముంబై వెళ్లేందుకు టేకాఫ్ కు సిద్ధమవుతున్న ఇండిగో విమానానికి త్రుటిలో పెను ప్రమాదం తప్పిపోయింది. శుక్రవారం సాయంత్రం ఢిల్లీ ఎయిర్ పోర్టులో ఈ ఘటన చోటు చేసుకుంది.

పార్కింగ్ బేలోకి వచ్చిన స్పైస్ జెట్ విమానం హఠాత్తుగా జెట్ బ్లాస్ట్ అవడంతో ఆ ధాటికి ఇండిగో విమానం ముందరి కుడివైపు అద్దం పగిలిపోయింది. ఈ ప్రమాదంలో ఐదుగురు ఇండిగో విమాన ప్రయాణికులకు స్వల్ప గాయాలయ్యాయి.

గాయపడిన ప్రయాణికులకు వెంటనే చికిత్స నిమిత్తం ఎయిర్ పోర్టులోని క్లినిక్ కు తరలించినట్లు ఇండిగో అధికార ప్రతినిధి తెలిపారు. ఈ ప్రమాదంపై డైరెక్టరేట్ జనరల్ ఆఫ్ సివిల్ ఏవియేషన్(డీజీసీఏ) విచారణ జరుపుతోంది.

శుక్రవారం సాయంత్రం 4.50 గంటల ప్రాంతంలో ఢిల్లీ నుంచి ముంబై వెళ్లే ఇండిగో కోచ్ నెంబర్ 34.. ఈబే 17లో బోర్డింగ్ ప్రయాణికులతో సిద్ధంగా ఉన్న సమయంలో ఈ ప్రమాదం జరిగినట్లు ఇండిగో ఒక ప్రకటనలో పేర్కొంది.

అదే సమయంలో స్పైస్ జెట్ ఎస్ జీ-253 విమానం దానికి కేటాయించిన బేలో పార్కింగ్ చేసుకునేందుకు టర్న్ అవుతోందని, ఆ సమయంలో ఒక్కసారిగా జెట్ బ్లాస్ట్ అవడంతో ఆ ప్రభావానికి సమీపంలోనే ఉన్న ఇండిగో విమానం ముందరి కుడివైపు అద్దం పగిలిపోయిందని తెలిపింది. అయితే ఈ ప్రమాదంపై స్పైస్ జెట్ ఇంకా స్పందించలేదు.

English summary

Five passengers in an IndiGo bus at Delhi airport sustained minor injuries after one of the windows of the bus shattered due to jet blast, allegedly from a SpiceJet aircraft that was taxiing after landing. Jet blast refers to the strong force of hot air that aircraft engines push behind, particularly on or before take-off. An IndiGo spokesperson said the right front window of its bus was broken from the force of the jet blast at Indira Gandhi International Airport at 4:50 pm on Friday. The no-frills carrier said its ground staff immediately alerted airport staff and took the injured people to the airport clinic.