మెట్రో స్టేషన్ సమీపంలోనే సుప్రీం కోర్టు లాయర్ ను చితకబాది లూటీ చేసిన కాలాంతకులు !

Published: Saturday, July 1, 2023, 16:51 [IST]

బెంగళూరు: బళ్లారిలో ప్రముఖ ప్రైవేట్ ఆసుపత్రిని నడుపుతున్న 52 ఏళ్ల సుప్రీంకోర్టు న్యాయవాదిపై నగరంలోని జలహళ్లి మెట్రో స్టేషన్ సమీపంలో ఇద్దరు వ్యక్తులు దారుణంగా దాడి చేసి దోచుకున్నారు. నిందితుల్లో ఒకరిని లాయర్ చాలా దూరం వెంబడించాడు. అయితే మరో నిందితుడు తన వద్ద ఉన్న మొబైల్ ఫోన్, రూ.3 వేల నగదుతో పరారైనారు.

సుప్రీం కోర్టు న్యాయవాది దాసరి గోవింద్‌ అలియాస్ గోవింద్ బెంగళూరులోని జలహళ్లి మెట్రో స్టేషన్‌ నుంచి జలహళ్లి క్రాస్‌లోని వైష్ణవి గార్డెనియా అపార్ట్‌మెంట్‌లోని తన ఫ్లాట్‌కు తిరిగి వస్తుండగా రాత్రి 9.15 నుంచి 9.45 గంటల మధ్య ఈ ఘటన జరిగినట్లు మీడియాకు తెలిపారు. నేను మెట్రో స్టేషన్ నుండి మా అపార్ట్‌మెంట్‌కు తిరిగి వస్తున్నాను. రాత్రి 9.15 గంటల సమయం తనకు ఫోన్ కాల్‌ రావడంతో తాను ఫోన్ లో మాట్లాడుతున్నానని గోవింద్ అన్నారు. ఆ సమయంలోఒకరు నా ఎదురుగా వచ్చి నా ఫోన్ లాక్కున్నారు.

అతను పారిపోవడానికి ప్రయత్నించినప్పుడు, నేను అతన్ని పట్టుకోండి అంటూ గట్టిగా కేకలు వేసి అతన్ని వెంబడించానని సుప్రీం కోర్టు లాయర్ గోవింద్ అంటున్నారు. అయితే చీకట్లో ఉన్న రెండో నిందితుడు అతనికి సహకరించాడని, ఇద్దరు కలిసి తన మీద ఇష్టం వచ్చినట్లు దాడి చేశారు. లూటీ చేసిన వ్యక్తికి మరో వ్యక్తి సాయం చేవాడని లాయర్ గోవింద్ అన్నారు.

నిందితుల్లో ఒకరు నా జేబులోంచి మొబైల్ ఫోన్, డబ్బు తీసుకున్నాడు. నాకు విపరీతంగా రక్తస్రావం మొదలయ్యింది మరియు ఒక నిమిషం నా జీవితంలో చివరి రోజు అనుకున్నాను. ఇద్దరు పరిగెత్తడం ప్రారంభించగానే నేను వారిని అనుసరించి నిందితుల్లో ఒకరిని పట్టుకున్నాను అని సుప్రీంకోర్టు న్యాయవాది గోవింద్ తెలిపారు.

కొందరు బాటసారులు కూడా నిందితుడిని పట్టుకోవడానికి సహకరించారని గోవింద్ తెలిపారు. అదృష్టవశాత్తూ సంఘటనా స్థలం దగ్గర పెట్రోలింగ్ డ్యూటీలో ఉన్న యస్సల వాహనం పోలీసులకు నిందితుడి అప్పగించానని సుప్రీం కోర్టు లాయర్ గోవింద్ అన్నారు. మొత్తం ఘటన దాదాపు 30 నిమిషాల పాటు జరిగిందని సుప్రీంకోర్టు న్యాయవాది గోవింద్ వివరించారు.

ఆ తర్వాత లాయర్‌ గోవింద్ కు సమీపంలోని ఓ ప్రైవేట్‌ ఆస్పత్రిలో చికిత్స అందించగా ప్రాణాపాయం నుంచి బయటపడినట్లు సమాచారం. దీనిపై విచారణలో భాగమైన ఓ పోలీసు అధికారి మాట్లాడుతూ కేసు ఇంకా విచారణలో ఉందని, న్యాయవాది గోవింద్ పట్టుకుని అప్పగించిన నిందితుడిని సిద్ధుగా గుర్తించామని తెలిపారు. రు. న్యాయవాది పోరాడి నిందితుడిని పట్టుకుని అప్పగించడంతో ఆయన ధైర్యాన్ని మెచ్చుకుని మేము అభినందిస్తున్నామని సీనియర్ పోలీసు అధికారి తెలిపారు.

Published On July 1, 2023