Viral Video: బతకాలంటే పోరాడాల్సిందే.. నెటిజన్లకు కదిలించిన బాలుడి వీడియో..
అందరి జీవితం ఒకేలా ఉండదు.. కొందరి జీవితాలు పల్లెపూవ్వులపై నడక అయితే మరి కొందరి జీవితాలు ముళ్లపై నడకలా ఉంటుంది. ముఖ్యంగా చిన్న వయస్సులో బతకడం కోసం పోరాటం చేసే వారి జీవితం ఎలా ఉంటుందో ఈ వీడియో చూస్తే మీకు అర్థం అవుతుంది. ఈ వీడియోలో ఓ బాలుడు రైల్వే ప్లాట్ ఫారంపై పల్లిలు అమ్ముకుంటున్నాడు.
పరుగెత్తికెళ్లి
బండికెళ్లి చదువుకోవాల్సి వయస్సులో రైల్వే స్టేషన్ కు వెల్లి బతుకు పాఠాలు నేర్చుకుంటున్నాడు ఓ బాలుడు. పల్లి పల్లి అంటూ అమ్ముకుంటూ రోజును వెళ్లదీస్తున్నాడు. ఈ వీడియోలో ట్రైన్ ముందు కదుళ్తుంటే.. బాలుడు పరుగెత్తికెళ్లి పల్లి పొట్లం ప్రయాణికులకు ఇచ్చిన ఐదు రూపాయలతో సంతోష పడుతున్నాడు.
ఏ రాయి మీద ఆశ లేదు
బాలుడు పరుగెత్తుకొచ్చి పల్లి పొట్లం ఇచ్చే దృశ్యాలను రైలులో ఉన్న ఎవరో తమ సెల్ ఫోన్ లో బంధించారు. జిందగీ గుల్జార్ హై అనే ట్విట్టర్ ఖాతాలో ఈ వీడియో పోస్ట్ చేశారు. వీడియోతో పాటు ఏ రాయి మీద ఆశ లేదు.నేను ఏ దేవుడి కోసం వెతకను. నేను మనిషిని.నేను మానవత్వాన్ని మాత్రమే నమ్ముతాను! అని రాసుకొచ్చారు.
10 వేలకు పైగా వ్యూస్
ప్రస్తుతం ఈ వీడియో సోషల్ మీడియాలో వైరల్ అవుతోంది. మంగళవారం పోస్ట్ చేసిన ఈ వీడియోకు 10 వేలకు పైగా వ్యూస్ వచ్చాయి. ఈ వీడియో నెటిజన్ల హృదయాలను ద్రవింప జేసింది. చిన్న వయస్సులో పెద్ద బాధ్యత మోస్తున్నావని ఒకరు కామెంట్ చేయగా.. ఇది నా హృదయాన్ని కదిలించిందని మరొకరు కామెంట్ చేశారు.