"మోటోరోలా ఎడ్జ్ 2026" వచ్చేసిందోచ్.. ఫీచర్స్ నెక్స్ట్ లెవెల్ !!
ఎప్పటికప్పుడు కొత్త కొత్త ఫీచర్లతో తక్కువ ధరలోనే ఫోన్లను అందించేందుకు కంపెనీలు సైతం పోటీ పడుతున్నాయి. ఇండియన్ మార్కెట్లో ప్రముఖ మొబైల్ ఫోన్ల తయారీ సంస్థ మోటారోలా మొబైల్స్ కి సపరేట్ ఫ్యాన్స్ ఉంటారు. ఇప్పటికే ఈ కంపెనీ నుంచి రిలీజ్ అయిన ఫోన్స్ టెక్ టెక్ ప్రియులను బాగా ఆకర్షించాయి. బడ్జెట్ రేంజ్ నుంచి ఫ్లాగ్ షిప్ రేంజ్ వరకు పలు ఫోన్లతో మంచిగా సక్సెస్ అయ్యింది. ఈ క్రమంలోనే మోటోరోలా మరో కొత్త ప్రీమియం ఫోన్ను భారతీయ మార్కెట్లో విడుదల చేయనుంది.
కంపెనీ తన తాజా స్మార్ట్ఫోన్ మోటోరోలా ఎడ్జ్ 2026ను ఉత్తర అమెరికా మార్కెట్లో అధికారికంగా విడుదల చేసింది. ఆకర్షణీయమైన డిజైన్, ఫ్లాగ్షిప్ స్థాయి కెమెరా వ్యవస్థ, శక్తివంతమైన ప్రాసెసర్, అధునాతన AI ఫీచర్లతో ఈ ఫోన్ వినియోగదారులను ఆకట్టుకునేలా రూపొందించబడింది. ఈ ప్రత్యేకతలతో మోటోరోలా ఎడ్జ్ 2026 మధ్య-ప్రీమియం సెగ్మెంట్లో పోటీని మరింత ఆసక్తికరంగా మార్చే అవకాశం కనిపిస్తోంది.
మోటోరోలా ఎడ్జ్ 2026 ఫీచర్స్..
డిజైన్..
మోటోరోలా ఎడ్జ్ 2026 సన్నని, తేలికైన బాడీతో వస్తోంది. ప్రత్యేకమైన Pantone Martini Olive కలర్ వేరియంట్లో లభించే ఈ ఫోన్ వెనుక భాగంలో టెక్స్చర్డ్ ఫినిష్ను అందించారు. ఇది ఫోన్కు ప్రీమియం లుక్తో పాటు మెరుగైన గ్రిప్ను కూడా అందిస్తుంది. మన్నిక విషయంలో కూడా ఈ డివైస్ ప్రత్యేకంగా నిలుస్తోంది. IP68, IP69 రేటింగ్స్తో వాటర్, డస్ట్ రెసిస్టెన్స్ను అందించగా, MIL-STD-810H మిలిటరీ గ్రేడ్ సర్టిఫికేషన్ను కూడా పొందింది. స్క్రీన్ రక్షణ కోసం కార్నింగ్ గొరిల్లా గ్లాస్ 7iను వినియోగించారు.
డిస్ప్లే..
ఈ స్మార్ట్ఫోన్లో 6.3 అంగుళాల 1.5K Extreme AMOLED డిస్ప్లేను అమర్చారు. 120Hz రిఫ్రెష్ రేట్తో స్క్రోలింగ్, గేమింగ్ అనుభవం మరింత స్మూత్గా ఉంటుంది. 5200 నిట్స్ పీక్ బ్రైట్నెస్ కారణంగా ఎండలో కూడా కంటెంట్ స్పష్టంగా కనిపిస్తుంది. HDR10+ సపోర్ట్, మెరుగైన కలర్ రిప్రొడక్షన్, లోతైన బ్లాక్స్తో వీడియోలు, సినిమాలు మరింత ఆకర్షణీయంగా కనిపిస్తాయి.
ట్రిపుల్ కెమెరా సెటప్..
ఫోటోగ్రఫీ కోసం మోటోరోలా ఎడ్జ్ 2026లో అధునాతన ట్రిపుల్ రియర్ కెమెరా వ్యవస్థను అందించారు. Sony LYTIA 710 సెన్సార్తో కూడిన 50MP ప్రైమరీ కెమెరా OIS (ఆప్టికల్ ఇమేజ్ స్టెబిలైజేషన్) సపోర్ట్తో వస్తుంది. 122 డిగ్రీల ఫీల్డ్ ఆఫ్ వ్యూ, మ్యాక్రో ఫోటోగ్రఫీ సామర్థ్యాలతో 50MP అల్ట్రా వైడ్ కెమెరా అందుబాటులో ఉంది. 10MP టెలిఫోటో కెమెరా 3x ఆప్టికల్ జూమ్తో పాటు 30x AI సూపర్ జూమ్ ఫీచర్ను అందిస్తుంది. ఈ కెమెరా వ్యవస్థ 4K వీడియో రికార్డింగ్కు సపోర్ట్ చేస్తుంది. AI ఆధారిత ఇమేజ్ ప్రాసెసింగ్, నైట్ మోడ్, పోర్ట్రెయిట్ ఎన్హాన్స్మెంట్ వంటి ఫీచర్లు కూడా ఉన్నాయి.
50MP సెల్ఫీ కెమెరా
ముందు భాగంలో 50MP హై-రిజల్యూషన్ ఫ్రంట్ కెమెరాను అమర్చారు. వీడియో కాల్స్, సోషల్ మీడియా కంటెంట్ క్రియేషన్, సెల్ఫీల కోసం ఇది మెరుగైన నాణ్యతను అందిస్తుంది. 4K సెల్ఫీ వీడియో రికార్డింగ్కు కూడా సపోర్ట్ ఉండటం విశేషం.
ప్రాసెసర్..
మోటోరోలా ఎడ్జ్ 2026లో మీడియాటెక్ డైమెన్సిటీ 7450 4nm చిప్సెట్ను అమర్చారు. ఈ ప్రాసెసర్ అధిక పనితీరు, తక్కువ విద్యుత్ వినియోగాన్ని అందిస్తుంది. హై-ఎండ్ గేమింగ్, మల్టీటాస్కింగ్, 4K వీడియో స్ట్రీమింగ్, AI ఆధారిత యాప్స్ వంటి పనులను సులభంగా నిర్వహించగల సామర్థ్యం దీనికి ఉంది. గ్రాఫిక్స్ పనితీరు కోసం మెరుగైన GPUను కూడా అందించారు.
AI ఫీచర్లు..
సాఫ్ట్వేర్ పరంగా ఈ స్మార్ట్ఫోన్ తాజా Android 16 ఆపరేటింగ్ సిస్టమ్పై పనిచేస్తుంది. Motorola AI సూట్తో పాటు Google Gemini, Perplexity వంటి AI అసిస్టెంట్లను వినియోగదారులు ఎంపిక చేసుకునే అవకాశం కల్పించారు. AI ఆధారిత ఫోటో ఎడిటింగ్, రియల్ టైమ్ ట్రాన్స్లేషన్, స్మార్ట్ సమ్మరీలు, వాయిస్ కమాండ్స్ వంటి పలు అధునాతన ఫీచర్లు ఇందులో ఉన్నాయి.
డాల్బీ అట్మోస్ ఆడియో..
ఆడియో అనుభవాన్ని మెరుగుపరచేందుకు డ్యూయల్ స్టీరియో స్పీకర్లను అందించారు. Dolby Atmos టెక్నాలజీ సపోర్ట్తో సినిమాలు, గేమ్స్, సంగీతం వినేటప్పుడు థియేటర్ తరహా సౌండ్ అనుభూతిని పొందవచ్చు.
5000mAh బ్యాటరీ..
ఈ ఫోన్లో 5000mAh భారీ బ్యాటరీని అమర్చారు. సాధారణ వినియోగంలో రెండు రోజుల వరకు బ్యాటరీ బ్యాకప్ అందుతుందని కంపెనీ పేర్కొంది. 60W TurboPower ఫాస్ట్ ఛార్జింగ్ సపోర్ట్ కారణంగా కొద్ది నిమిషాల ఛార్జింగ్తో గంటల తరబడి ఫోన్ను ఉపయోగించుకోవచ్చు. అదనంగా 15W వైర్లెస్ ఛార్జింగ్ సపోర్ట్ కూడా అందించారు.
ధర, లభ్యత..
మోటోరోలా ఎడ్జ్ 2026 అమెరికా మార్కెట్లో జూన్ 11 నుంచి విక్రయాలకు అందుబాటులోకి రానుంది. ఈ స్మార్ట్ఫోన్ ధర 599.99 డాలర్లు (భారత కరెన్సీలో సుమారు ₹57,230)గా నిర్ణయించారు.
Click it and Unblock the Notifications
Sign in with Google