సుప్రీంలో ఓటమి, అనిత ఆత్మహత్య: కుటుంబ సభ్యులకు అండగా హీరో విజయ్, నేను ఉన్నాను !
నీట్ పరీక్షకు వ్యతిరేకంగా పోరాటం, అనిత ఆత్మహత్య.అనిత కుటుంబ సభ్యులను కలిసిన తమిళ హీరో విజయ్.ఏ అవసరం వచ్చినా నేను ఉన్నాను, అనిత ఫ్యామిలీకి ధైర్యం చెప్పిన విజయ్
చెన్నై: నీట్ కు వ్యతిరేకంగా నిరాహార దీక్ష చేసి సుప్రీం కోర్టులో కేసు ఓడిపోవడంతో జీవితంపై విరక్తి చెంది ఆత్మహత్య చేసుకున్న తమిళనాడు దళిత విద్యార్థి అనిత కుటుంబ సభ్యులను ప్రముఖ తమిళ నటుడు విజయ్ పరామర్శించారు.
మీకు ఏ అవసరం వచ్చినా నన్ను కలవాలని, మీకు అండగా నేను ఉంటానని హీరో విజయ్ అనిత కటుంబ సభ్యులకు ధైర్యం చెప్పారు. తమిళనాడులోని అరియళూరులోని కుజమూర్ లోని అనిత కుటుంబ సభ్యులు నివాసం ఉంటున్న ఇంటికి సోమవారం హీరో విజయ్ వెళ్లారు.
విజయ్ ని చూడగానే అనిత తండ్రి షణ్ముగం బోరున విలపించారు. హీరో విజయ్ అనిత తండ్రి షణ్ముగంను ఓదార్చుతూ నేల మీద కుర్చుని ఆయనకు ధైర్యం చెప్పారు. అనిత లేని లోటును తీర్చలేకపోయినా ఏ అవసరం వచ్చినా మీకు అండగా నేను ఉంటానని అనిత తండ్రి షణ్ముగం, ఆమె సోదరుడికి విజయ్ హామీ ఇచ్చారు.
అర్థికంగా తాను అదుకుంటానని హీరో విజయ్ అనిత కుటుంబ సభ్యులకు ధైర్యం చెప్పారు. నీట్ పరీక్షలో ఫెయిల్ అయిన అనిత ఆత్మహత్య చేసుకోవడంతో తమిళనాడు రాష్ట్ర వ్యాప్తంగా నిరసనలు వ్యక్తం అవుతున్నాయి. గత వారం రోజుల నుంచి తమిళనాడులో అనిత కుటుంబ సభ్యులకు న్యాయం చెయ్యాలని డిమాండ్ చేస్తూ విద్యార్థులు ఆందోళన చేస్తున్నారు.