మెడికల్ కాలేజీ మెస్ పై కూలిన ఫ్లైట్- భోజన సమయం కావడంతో కిటకిట- మృతుల సంఖ్య భారీగా?

Air India flight Crash: అహ్మదాబాద్ లో దిగ్బ్రాంతికర ఘటన చోటు చేసుకుంది. ఓ విమానం కుప్పకూలింది. అది- ఎయిరిండియాకు చెందిన విమానంగా ప్రాథమిక సమాచారం అందుతోంది. ప్రమాదానికి గురైన సమయంలో ఆ విమానంలో 242 మంది ప్రయాణికులు, సిబ్బంది ఉన్నట్లు తెలుస్తోంది.

అహ్మదాబాద్ విమానాశ్రయం నుంచి టేకాఫ్ అయిన కొద్దిసేపటికే ఈ దారుణ ఘటన చోటు చేసుకుంది. ఎయిర్ పోర్ట్ సమీపంలో ఉన్న మెఘానీ నగర్, షాహిబాగ్ వద్ద కుప్పకూలింది. ఎయిర్ పోర్ట్ సమీపంలో ఉన్న మెఘానీ నగర్, షాహిబాగ్ వద్ద కుప్పకూలింది.

సమాచారం అందిన వెంటనే రాష్ట్ర విపత్తు నిర్వహణ-అగ్నిమాపక సిబ్బంది, జాతీయ విపత్తు నిర్వహణ బలగాలు, పోలీసులు హుటాహుటిన సంఘటన స్థలానికి చేరుకున్నారు. సహాయక చర్యలు చేపట్టారు. విమాన శకలాలు జనావాసాల మీద పడటం వల్ల మరణాల సంఖ్య మరింత పెరిగే ప్రమాదం ఉందనే ఆందోళనలు వ్యక్తమౌతోన్నాయి.

అహ్మదాబాద్ నుంచి లండన్ కు బయలుదేరిన ఎయిరిండియాకు చెందిన ఏఐ 171 ఫ్లైట్ అది. గట్విక్ ఎయిర్ పోర్టుకు చేరాల్సి ఉంది. ఈ మధ్యాహ్నం 1:39 నిమిషాలకు టేకాఫ్ అయింది. రన్ వే నంబర్ 23ని వీడింది. ఆ కొద్ది సేపటికే కుప్పకూలింది. పెద్ద శబ్దం చేస్తూ.. నిప్పు కణికలా నేలకు రాలింది. ఆ వెంటనే దట్టమైన పొగ వెలువడింది. సంఘటన స్థలంలో మంటలు చెలరేగాయి. సంఘటన స్థలంలో భయానక వాతావరణం నెలకొంది.

అగ్నిమాపక వాహనాలు, అంబులెన్సులు, పోలీసు వాహనాల సైరన్ మోతలతో ఆ ప్రాంతం అంతా మార్మోగిపోయింది. సమాయక చర్యలు అందజేయడానికి సంఘటన స్థలానికి స్థానికులు పరుగులు తీశారు. అందుబాటులో ఉన్న వాహనాలను క్షతగాత్రులను ఆసుపత్రులకు తరలించడాని వినియోగించారు.

ఫ్లైట్ టేకాఫ్ తీసుకుంటోన్న సమయంలోనే ప్రమాదాన్ని పసిగట్టారు పైలెట్లు. వెంటనే ఎయిర్ ట్రాఫిక్క కంట్రోల్ కు సమాచారం ఇచ్చారు. MAYDAY కాల్ చేశారు. అత్యంత తీవ్ర ఆందోళనకర పరిస్థితుల్లో మాత్రమే పైలెట్లు ఈ కాల్ చేస్తుంటారు. I need help అంటూ ఏటీసీకి సమాచారం ఇచ్చారు. అదే చివరిది.

ఆ తరువాత విమానంతో ఏటీసీకి సంబంధాలు తెగిపోయాయి. ఏటీసీ పదే పదే సమాచారాన్ని పంపించినప్పటికీ కాక్ పిట్ నుంచి ఎటువంటి స్పందన రాలేదు. ఆ వెంటనే భారీ శబ్దం రావడం, మంటలు చెలరేగడం, దట్టమైన పొగ వెలువడటంతో ఎయిర్ పోర్ట్ అధికారులను ఆందోళనకు గురి చేసింది.

ఈ విమానం అహ్మదాబాద్ లోని ప్రతిష్ఠాత్మక బీజే మెడికల్ కాలేజీ ఆసుపత్రి హాస్టల్ మెస్ పై పడింది. మధ్యాహ్న భోజన సమయం కావడంతో మెస్ లో భారీ సంఖ్యలో వైద్య విద్యార్థులు మెస్ కు చేరుకున్నారు. భోజనం చేస్తోన్నారు. అదే సమయంలో ఊహకు అందని విధంగా విమానం నేరుగా ఈ మెస్ భవనంపై కూలింది.

విమానం కూలిపోయే సమయానికి మెస్ లో విద్యార్థల రద్దీ అధికంగా కనిపించిందని ప్రత్యక్ష సాక్షులు వెల్లడించారు. దీనికి సంబంధించిన వీడియోలు సోషల్ మీడియాలో వైరల్ అయ్యాయి. ఈ ఘటనలో మెస్ చాలావరకు ధ్వంసమైంది. ఓ విశాలమైన డైనింగ్ హాల్ లో టేబుళ్లు, వాటిపై మధ్యలో వదిలేసిన భోజనం ప్లేట్లను ఈ వీడియోలో స్పష్టంగా చూడొచ్చు.

Air India Flight AI171, which crashed shortly after takeoff from Ahmedabad early Thursday morning, has reportedly crashed into the hostel mess of BJ Medical College, one of Gujarat’s largest government-run medical institutions.

Initial reports from the scene indicate that… pic.twitter.com/jSyU8Afpw8

— Madhuri Adnal (@madhuriadnal) June 12, 2025

English summary

Air India Flight AI171, en route to London Gatwick, reportedly crashed into the hostel mess of BJ Medical College in Meghaninagar, killing several onboard and reportedly claiming the lives of medical students residing in the hostel premises. అహ్మదాబాద్ లోని బీజే మెడికల్ కాలేజీ మెస్ భవనంపై పడ్డ ఎయిరిండియా విమానం