Air India: 3 గంటలు గాల్లో.. లండన్ వెళ్తూ తిరిగి ముంబైకి వచ్చిన విమానం
Air India: ముంబై నుండి లండన్కు వెళ్లే ఎయిర్ ఇండియా విమానం టేకాఫ్ తర్వాత మూడు గంటలు గాలిలో ఉన్న తర్వాత ముంబైకి తిరిగి వచ్చింది. ఫ్లైట్రాడార్24 నుండి వచ్చిన డేటా ప్రకారం.. ముంబై-లండన్ విమానం ఉదయం 5:39 గంటలకు విమానాశ్రయం నుండి బయలుదేరి మూడు గంటలు గాల్లోనే ఉన్న తర్వాత తిరిగి వచ్చింది. ఇరాన్లో ప్రస్తుతం పరిస్థితి ఉద్రిక్తంగా ఉందని ఎయిర్ ఇండియా ఒక ప్రకటనలో తెలిపింది. ఇరాన్ వైమానిక ప్రాంతం మూసివేయబడింది. దీని కారణంగా దాని అనేక విమానాలను మళ్లిస్తున్నారు లేదా వాటి అసలు స్థానానికి తిరిగి వస్తున్నారు.
ప్రభావితమైన విమానాలు ఇవే..
*లండన్ హీత్రో-ముంబై విమాన నంబర్ AI130 వియన్నాకు మళ్లించబడింది.
*న్యూయార్క్-ఢిల్లీ విమాన నంబర్ AI102 షార్జాకు మళ్లించబడింది.
*న్యూయార్క్-ముంబై విమాన నంబర్ AI116 జెడ్డాకు మళ్లించబడింది.
*లండన్ హీత్రో-ఢిల్లీ విమాన నంబర్. AI2018 ముంబైకి మళ్లించబడింది.
*ముంబై-లండన్ హీత్రో విమానం నం. AI129 ముంబైకి తిరిగి వస్తోంది.
*ముంబై-న్యూయార్క్ విమానం నం. AI119 ముంబైకి తిరిగి వస్తోంది.
*ఢిల్లీ-వాషింగ్టన్ విమానం నం. AI103 ఢిల్లీకి తిరిగి వస్తోంది.
*న్యూయార్క్-ఢిల్లీ విమానం నం. AI106 ఢిల్లీకి తిరిగి వస్తోంది.
*వాంకోవర్-ఢిల్లీ విమానం నం. AI188 జెడ్డాకు మళ్లించబడింది.
*ఢిల్లీ-న్యూయార్క్ విమానం నం. AI101 ఫ్రాంక్ఫర్ట్/మిలన్కు మళ్లించబడింది.
*కాగో-ఢిల్లీ విమానం నం. AI126 జెడ్డాకు మళ్లించబడింది.
*డన్ హీత్రో-బెంగళూరు విమానం నం. AI132 షార్జాకు మళ్లించబడింది.
*డన్ హీత్రో-ఢిల్లీ విమానం నం. AI2016 వియన్నాకు మళ్లించబడింది.
*వాషింగ్టన్-ఢిల్లీ విమానం నంబర్ AI104 వియన్నాకు మళ్లించబడింది.
*టొరంటో-ఢిల్లీ విమానం నంబర్ AI190 ఫ్రాంక్ఫర్ట్కు మళ్లించబడింది.
*ఢిల్లీ-టొరంటో విమానం నంబర్ AI189 ఢిల్లీకి తిరిగి వస్తోంది.
ఎయిరిండియా విచారం వ్యక్తం
ఈ క్రమంలో ఎయిరిండియా ఒక ప్రకటన విడుదల చేసింది. ఊహించని అంతరాయం కారణంగా ప్రయాణికులకు కలిగిన అసౌకర్యానికి క్షమాపణలు చెప్పింది. ప్రయాణీకులకు వసతి వంటి సౌకర్యాలను కల్పించడానికి ఏర్పాట్లు చేస్తున్నట్లు ఎయిరిండియా తెలిపింది. ఏదైనా ప్రయాణికుడు విమానాన్ని రద్దు చేసుకోవాలనుకుంటే లేదా సమయాన్ని మార్చాలనుకుంటే వారికి వాపసు లేదా కొత్త బుకింగ్ సౌకర్యం ఇస్తున్నట్లు ఎయిరిండియా తెలియజేసింది. ప్రయాణీకులను వారి గమ్యస్థానానికి తీసుకెళ్లడానికి ప్రత్యామ్నాయ ఏర్పాట్లు చేస్తున్నట్లు కంపెనీ తెలిపింది.
ఇజ్రాయెల్ దాడి తర్వాత గగనతలాన్ని మూసివేసిన ఇరాన్
ఇజ్రాయెల్ ఇరాన్పై దాడి చేయడానికి ఆపరేషన్ రైజింగ్ లయన్ను ప్రారంభించిన సంగతి తెలిసిందే. ఈ ఆపరేషన్లో భాగంగా ఇజ్రాయెల్ ఇరాన్ అణు, సైనిక స్థావరాలను లక్ష్యంగా చేసుకుంది. ఇజ్రాయెల్ దాడి జరిగిన కొన్ని గంటల తర్వాత, ఇరాన్ పౌర విమానయాన అథారిటీ దేశ గగనతలాన్ని మూసివేస్తున్నట్లు ప్రకటించింది. అదే సమయంలో ఇజ్రాయెల్ తన గగనతలాన్ని కూడా మూసివేసింది. దాని ఉత్తర, దక్షిణ సరిహద్దులలో అత్యవసర సన్నాహాలను కూడా పెంచింది.
Click it and Unblock the Notifications
Sign in with Google