పేలిన ఎయిరిండియా టైరు: పైలెట్ అప్రమత్తతో తప్పిన పెను ప్రమాదం

కొచ్చి: ఢిల్లీ-కొచ్చి ఎయిరిండియా విమానం ( AI467) ఈరోజు పెద్ద ప్రమాదం నుంచి బయటపడింది. గురువారం ఉదయం 9.10 గంటల ప్రాంతంలో కొచ్చి ఎయిర్ పోర్టులో ల్యాండింగ్ సమయంలో విమానం టైరు పేలిపోయింది. విమానం టైర్లు నేలకు తాకగానే ఈ ప్రమాదం సంభవించింది.

అయితే, విమాన పైలెట్ అప్రమత్తంగా వ్వవహరించి విమానాన్ని నియంత్రించడంతో ఎలాంటి ప్రమాదం వాటిల్లలేదు. విమానం ల్యాండైన సమయంలో విమానంలో మొత్తం 170 మంది ఉన్నారు. ఇందులో 161 మంది ప్రయాణీకులు కాగా, మిగతా 9 మంది విమాన సిబ్బంది.

ప్రస్తుతం విమానాన్ని బెంగుళూరు నుంచి వచ్చిన ఇంజనీర్లు పరిశీలిస్తున్నట్లు ఎయిర్ పోర్టు ఉన్నతాధికారి ఏసీకే నాయర్ తెలిపారు. ఈరోజు 10.20 గంటలకు 138 ప్రయాణీకులతో షార్జా బయలుదేరాల్సి ఉంది. అయితే ఈ ఘటనతో విమానం ఆలస్యంగా వెళ్లనుంది.

English summary

In a narrow escape for over 170 people on board an Air India flight from Delhi, a rear tyre of the aircraft burst as it landed at the Nedumbassery airport on February 26. All the 161 passengers and 12 crew members of flight AI467 have safely disembarked, airport sources said.