మణిపూర్ హింస: అంబులెన్స్ను తగలబెట్టిన మూక, ఏడేళ్ల చిన్నారితోపాటు మహిళలు మృతి
ఇంఫాల్: మణిపూర్లో మరోసారి హింసాత్మక ఘటనలు చోటు చేసుకున్నాయి. తీవ్రవాదులు దారుణాలకు తెగబడుతున్నారు. కేంద్ర హోంమంత్రి అమిత్ షా పర్యటన అనంతరం రాష్ట్రంలో కొంత శాంతియుత వాతావరణం ఏర్పడినప్పటికీ.. మళ్లీ ఇప్పుడు అల్లర్లు చోటు చేసుకుంటున్నాయి. తీవ్రవాదులు జరిపిన కాల్పుల్లో ఓ జవాను మృతి చెందగా.. మరో ఇద్దరు గాయపడిన విషయం తెలిసిందే.
తాజాగా, ఉగ్రవాదులు దారుణానికి తెగబడ్డారు. లాంసాంగ్ పోలీస్ స్టేషన్ పరిధిలోని ఇరోసిసెంబాలో మూక దాడి జరిగింది. ఓ అంబులెన్స్కు నిప్పంటించడంతో అందులోని ఇద్దరు మహిళలతోపాటు ఓ ఏడేళ్ల చిన్నారి కూడా ప్రాణాలు కోల్పోయారు.
ఫాయెంగ్ నుంచి ఇంఫాల్ వెస్ట్ వైపు ప్రయాణిస్తున్న ముగ్గురు వ్యక్తులను తీసుకువెళుతున్న అంబులెన్స్, మారుతీ జిప్సీని పెద్ద గుంపు అడ్డుకుంది.
ఆ తర్వాత గుంపు అంబులెన్స్ను తగలబెట్టింది. వాహనానికి నిప్పంటించడంతో సజీవ దహనమైన ముగ్గురు బాధితులలో సుమారు 7 సంవత్సరాల వయస్సు గల మైనర్ కూడా ఉన్నాడు. జూన్ 4వ తేదీ సాయంత్రం 6:30 గంటల ప్రాంతంలో ఈ దారుణ ఘటన చోటుచేసుకుంది.
అంతకుముందు జూన్ 4 న తెల్లవారుజామున భారత జాతీయ కాంగ్రెస్కు చెందిన ఎమ్మెల్యే రంజిత్ నివాసంతో సహా కక్చింగ్ జిల్లాలోని సుగ్ను ప్రాంతంలోని రెండు గ్రామాలకు దుండగులు నిప్పు పెట్టారు. ఈ ఘటనలో ఎమ్మెల్యే ఇల్లు పాక్షికంగా దగ్ధమైంది. దీంతో ఆ ప్రాంతంలో మరింత ఉద్రిక్తత, అశాంతి నెలకొందని వర్గాలు సూచిస్తున్నాయి.
ఇక జూన్ 3 న, సాయంత్రం 4:30 గంటలకు, అధికార బీజేపీకి చెందిన ముగ్గురు సహా నలుగురు మణిపూర్ ఎమ్మెల్యేలను సుగ్ను బజార్ మహిళా కాంగ్రెస్ భవనంలో ఆగ్రహించిన స్థానికులు నిర్బంధించారు. నిర్బంధించబడిన ఎమ్మెల్యేలలో రంజిత్, ఈ బృందంలోని ఏకైక బీజేపీయేతర ఎమ్మెల్యే. ముఖ్యమంత్రి ఎన్ బీరెన్ సింగ్ను కలవడానికి, అస్సాం రైఫిల్స్ శిబిరాన్ని సుగ్ను నుంచి తరలించడం గురించి చర్చించడానికి అనుమతిని కోరిన మంత్రి వై కేమ్చంద్ వారికి నాయకత్వం వహించారు.
Click it and Unblock the Notifications
Sign in with Google