Akasa Air: బ్యాగ్‍లో బాంబు ఉందంటూ ప్రయాణికుడి బెదిరింపు.. ఎమర్జెన్సీ ల్యాండ్ అయిన విమానం..

విమాన ప్రయాణం అంటే చాలా జాగ్రత్తగా ఉండాలి. ఏ మాత్రం తేడా వచ్చిన గాల్లో ఉన్న ప్రాణాలు అదే గాలిలో కలిసిపోతాయి. తాజాగా 185 మంది వెళ్తోన్న విమానం అత్యవసరంగా ల్యాండ్ అయింది. విమానానికి బాంబు బెదిరింపు రావడంతో విమానం అత్యవసరంగా ల్యాండ్ కావాల్సి వచ్చింది. ఈ ఘటన పూణె నుంచి ఢిల్లీ వెళ్తున విమానంలో జరిగింది. ఆకాశ ఎయిర్ లైన్స్ చెందిన విమానం శనివారం పూణె నుంచి ఢిల్లీకి బయల్దేరడానికి విమానం సిద్ధంగా ఉంది. విమానం టెకాఫ్ కూడా అయింది. కొద్ది దూరం ప్రయాణించగానే.. విమానంలో ఉన్న ఓ ప్రయాణికుడు తన బ్యాగులో బాంబు ఉందంటూ చెప్పాడు. దీంతో విమానాన్ని వెంటనే ముంబై ఎయిర్ పోర్టులో ల్యాండ్ చేశారు.

తన బ్యాగ్‌లో బాంబు ఉందని ఓ ప్రయాణికుడు చెప్పడంతో 185 మంది ప్రయాణికులతో ఢిల్లీకి బయలుదేరిన అకాసా విమానం ఈ తెల్లవారుజామున ముంబై విమానాశ్రయంలో అత్యవసరంగా ల్యాండ్ అయిందని అధికారులు తెలిపారు. Akasa Air అధికారిక ప్రకటన ప్రకారం "Akasa Air ఫ్లైట్ QP 1148, పూణె నుండి 2023 అక్టోబర్ 21న అర్ధరాత్రి 12.07 గంటలకు బయలుదేరి. 185 మంది ప్రయాణికులు, ఆరుగురు సిబ్బందిని ఎక్కించుకుని, టేకాఫ్ అయిన కొద్దిసేపటికే సెక్యూరిటీ అలర్ట్ అందుకుంది.

"నా బ్యాగ్‌లో బాంబు ఉంది" అని ప్రయాణికుడు చెప్పడంతో పూణే నుండి ఢిల్లీకి వెళ్లే ఆకాసా ఎయిర్ విమానం ఈరోజు అర్ధరాత్రి 12.42 గంటలకు అత్యవసరంగా ల్యాండింగ్ చేయబడింది. భద్రత, భద్రతా విధానాల ప్రకారం, విమానాన్ని ముంబైకి మళ్లించారు. కెప్టెన్ అవసరమైన అన్ని అత్యవసర విధానాలను అనుసరించాడు. 12.42 గంటలకు ఛత్రపతి శివాజీ మహారాజ్ అంతర్జాతీయ విమానాశ్రయంలో సురక్షితంగా ల్యాండ్ అయింది" అని అకాశ ఎయిర్ పేర్కొంది.

బాంబ్ డిటెక్షన్ అండ్ డిస్పోజల్ స్క్వాడ్స్ (BDDS) బృందాన్ని పిలిపించి, విమానంలో అతని బ్యాగ్‌ని తనిఖీ చేసినప్పటికీ ఎలాండి బాంబు కనుగోనలేదు.
ఒక పోలీసు అధికారి ప్రకారం "సిఐఎస్ఎఫ్ అధికారి ఈ సంఘటన గురించి ముంబై పోలీస్ కంట్రోల్‌కి తెల్లవారుజామున 2.30 గంటలకు సమాచారం అందించారు. ఆ తర్వాత ఆ విమానంలోని ప్రయాణీకుడి సామాను శోధించారు. అక్కడ BDDS బృందంతో పాటు పోలీసు అధికారులు కూడా ఉన్నారు. అయితే విచారణలో పోలీసులకు అక్కడ ఎలాంటి అనుమానాస్పద వస్తువు కనిపించలేదని అధికారి పేర్కొన్నారు.

ఆ విమానంలో అతనితో పాటు ప్రయాణికుడి బంధువు కూడా ప్రయాణిస్తున్నట్లు అధికారి తెలిపారు. ఛాతీ నొప్పికి మందు తాగానని, ఏ విషయంపైనా కబుర్లు చెబుతున్నానని పోలీసులకు తెలిపాడు. క్షుణ్ణంగా విచారించిన అనంతరం ఉదయం 6 గంటలకు ముంబై విమానాశ్రయం నుంచి విమానం ఢిల్లీకి బయలుదేరింది. ఈ ఘటనపై
ముంబై పోలీసులు ఈ విషయంపై మరింత దర్యాప్తు చేస్తున్నారు.

English summary

Air travel means being very careful. If there is any difference, the souls in the air will merge into the same air. Recently, a flight carrying 185 people made an emergency landing.