‘పద్మావతి’కి తప్పని కష్టాలు.. సినిమాకు వ్యతిరేకంగా నిరసన, బంద్

Posted By:
Subscribe to Oneindia Telugu

జైపూర్: బాలీవుడ్‌ ప్రముఖ దర్శకుడు సంజయ్‌ లీలా భన్సాలీ ప్రతిష్ఠాత్మకంగా తెరకెక్కించిన 'పద్మావతి' చిత్రానికి కష్టాలు తప్పేలా లేవు. గుజరాత్‌లో ఎన్నికల దృష్ట్యా ఈ చిత్రం విడుదలను వాయిదా వేయాలని ఓ వైపు భాజపా కోరుతుండగా.. మరోవైపు రాజస్థాన్‌లో సినిమాకు వ్యతిరేకంగా శుక్రవారం పెద్దఎత్తున నిరసనలు వ్యక్తమయ్యాయి.

చిత్తోర్‌ఘర్‌లో రాజ్‌పుత్‌ కర్ణి సేన సంఘం ఆధ్వర్యంలో నిరసనకారులు ఆందోళన చేపట్టారు. నిరసనల కారణంగా స్కూళ్లు, మార్కెట్లు, మందుల దుకాణాలు మూతపడ్డాయి. నిరసన సందర్భంగా భారీ ర్యాలీ నిర్వహించారు. బంద్‌ సందర్భంగా ఎలాంటి అవాంఛనీయ సంఘటనలు చోటుచేసుకోలేదు.

padmavati-protest

భన్సాలీ చరిత్రను వక్రీకరిస్తూ చిత్రాన్ని తెరకెక్కించారంటూ ఆందోళనకారులు నినాదాలు చేశారు. పద్మావతి, అల్లావుద్దీన్‌ ఖిల్జీ మధ్య ప్రేమ సన్నివేశాలపై వారు అభ్యంతరం వ్యక్తంచేశారు. సినిమా విడుదలకు ముందు చిత్రాన్ని తమ ప్రతినిధులకు చూపించి, ఆ తర్వాతే విడుదల చేయాలని రాజ్‌పుత్‌ కర్ణి సేన జాతీయ కన్వీనర్‌ ప్రమోద్‌ రాణా అన్నారు.

చిత్రీకరణ సమయంలోనే వివాదాలకు కేంద్ర బిందువుగా మారిన 'పద్మావతి'ని డిసెంబర్‌ 1న విడుదల చేసేందుకు చిత్రబృందం సన్నాహాలు చేస్తోంది. ఈ చిత్రలో రాణి పద్మినిగా దీపికా పదుకొణె నటిస్తుండగా.. మహారావల్‌ రతన్‌ సింగ్‌గా షాహిద్‌ కపూర్‌ నటిస్తున్నారు. రణ్‌వీర్‌ సింగ్‌ అల్లావుద్దీన్‌ ఖిల్జీ పాత్రలో కనిపించనున్నారు.

సంబంధం కోసం వెతుకుతున్నారా? తెలుగు మాట్రిమోని లో రిజిస్ట్రేషన్ ఉచితం!

English summary
Protest by the Karni Sena against Sanjay Leela Bhansali's multi-starrer "Padmavati" picked up pace in Rajasthan ahead of its December 1 release with a complete bandh observed in Chittorgarh on Friday. "We are not against the movie as such. What we want is that Bhansali's team should screen the movie for historians and intellectuals before releasing it as we are afraid and concerned that historical facts have been distorted in the movie," Vishavbandhu Rathore, Pradesh Mahasachiv Sri Rajput Karni Sena, a Rajput community organisation, told IANS. "We had called for Chittorgarh bandh today, and we got support from everyone. It was a complete bandh in Chittorgarh today," said Mahipal Singh Makrana, state president of Sri Rajput Karni said.
Please Wait while comments are loading...