వింత: బిట్కాయిన్ల రూపంలో గిఫ్ట్స్ తీసుకొన్న టెక్కీ జంట, వెడ్డింగ్ కార్డుపై సూచనలు
బెంగుళూరు:పెళ్ళి జీవితంలో మరిచిపోకుండా గుర్గుండేలా ఉండాలని ప్రతి ఒక్కరూ కోరుకొంటారు. కానీ, కర్ణాటక రాష్ట్రంలోని బెంగుళూరుకు చెందిన టెక్కీల జంట తమ పెళ్ళికి బహుమతును బిట్కాయిన్ల రూపంలో ఇవ్వాలని కోరారు. ఈ రకంగా తమ వివాహన్ని గుర్తుంచుకొనేలా ఆ జంట నిలిచిపోయారు.
బెంగుళూరుకు చెందిన టెక్కీలు ప్రశాంత్, నీతిలు తమ పెళ్ళికి బహుమతులు ఇచ్చే అతిథులు బిట్ కాయిన్ల రూపంలోనే ఇవ్వాలని వివాహ ఆహ్వన పత్రికలో కోరారు. ఈ మేరకు బిట్ కాయిన్ల ద్వారా బహుమతులను చెల్లించేలా వెడ్డింగ్ కార్డులోనే ఓ క్యూఆర్ కోడ్ను ముద్రించారు.
వెడ్డింగ్ కార్డు ద్వారా ఉన్న కోడ్ ద్వారా జెబ్ పే కు అనుసంధానం చేసి ఉంటుంది. అయితే ఈ పద్దతి ద్వారా ఎలా బహుమతులు అందించాలనే విషయమై వెడ్డింగ్ కార్డు వెనుక సూచనలను కూడ ముద్రించారు. ఈ వివాహనికి హజరైన అతిథుల్లో ఎక్కువ మంది బిట్ కాయిన్ల రూపంలోనే ఈ జంటకు బహుమతులను ఇచ్చారు.
తమ వివాహనికి వచ్చేవారిలో ఎక్కువ టెక్కీలు, వ్యాపారులు బిట్ కాయిన్ పై అవగాహపన ఉన్నవారే ఉన్నారని ఆ జంట చెబుతోంది. తాము కోరుకొన్నట్టుగానే బిట్ కాయిన్ రూపంలోనే అతిథులు గిప్ట్లు ఇవ్వడం పట్ల వారు ఆనందం వ్యక్తం చేస్తున్నారు.
Click it and Unblock the Notifications
Sign in with Google