ముంబైలో మాంసం నిషేధం: గడ్డి తినాలని ట్వీట్లు

Published: Tuesday, September 8, 2015, 14:28 [IST]

ముంబై: బృహాణ్ ముంబై మున్సిపల్ కార్పొరేషన్ (బీఎంసీ)లో మాంసం విక్రయాలు నాలుగు రోజుల పాటు నిషేధించాలని అధికారంలో ఉన్న బీజేపీ నిర్ణయించింది. ఈ విషయంలో ఆర్ఎస్ఎస్ నాయకులు బీజేపీతో విభేదించారు. ఎవరు ఏమి తినాలో చెప్పడానికి మీరెవరు అని ప్రశ్నించారు.

ఆర్ఎస్ఎస్ నేత సంజయ్ రావత్ మాట్లాడుతూ ఎవరు ఏమి తినాలో చెప్పే హక్కు ఎవ్వరికి లేదని అభిప్రాయం వ్యక్తం చేశారు. దేశంలో 85 శాతం మంది మాంసాహారులే ఉన్నారని అన్నారు. ఈ నిర్ణయంపై బీఎంసీలో తిర్మానం ప్రవేశ పెట్టినా మద్దతుగా కేవలం 29 ఓట్లు మాత్రమే వచ్చాయని గుర్తు చేశారు.

జైనులు పవిత్రంగా ఉపవాసం ఉండే పర్యుషాన్ (అహింసతో కూడిన దీక్ష) నిర్వహిస్తున్నారు. ఈ సందర్బంగా ముంబై నగరంలో ఈనెల 10, 13, 17, 18వ తేదిల్లో పూర్తిగా మాంసం విక్రయించరాదని బీజేపీ నేత దినేష్ జైన్ మీరా భయందర్ మున్సిపల్ కార్పొరేషన్ లో నిర్ణయం తీసుకున్నారు. మాంసం విక్రయించరాదని తీసుకున్న నిర్ణయంపై సోషల్ మీడియాలో పలువురు వివిధ రకాలుగా స్పందించారు.