దారుణం : 13 ఏళ్ల బాలికపై 16 ఏళ్ల బాలుడి ఘాతుకం, రేప్‌ను ప్రతిఘటించిందని..

భోపాల్: మధ్యప్రదేశ్‌లో దారుణం చోటుచేసుకుంది. ఓ మైనర్ బాలికపై ఓ 16 ఏళ్ల బాలుడు అత్యచారం చేయబోయాడు. దాన్ని ఆ బాలిక ప్రతిఘటించగా ఆగ్రహం పట్టలేక ఆమెను సజీవ దహనం చేసేందుకు తెగించాడు.

ఆలస్యంగా వెలుగులోకి వచ్చిన ఈ ఘటన రాజ్‌గఢ్ జిల్లాలోని సుస్తానీ గ్రామంలో శనివారం చోటుచేసుకుంది. బాధిత బాలిక ప్రస్తుతం కాలిన గాయాలతో ఆసుపత్రిలో కొన ఊపిరితో కొట్టుమిట్టాడుతోంది. పోలీసుల కథనం ప్రకారం ఈ ఘటన వివరాలు ఇలా ఉన్నాయి.

దళిత వర్గానికి చెందిన ఓ బాలిక(13) ఇంట్లో ఒంటరిగా ఉండడం గమనించిన నిందితుడు తొలుత ఆమెపై అత్యాచారానికి పూనుకున్నాడు. ఆ బాలిక పెద్దగా అరుస్తూ అతడ్ని ప్రతిఘటించడంతో కోపం వచ్చి ఆమెపై కిరోసిన్ పోసి నిప్పంటించాడు.

ఆమె మంటల్లో చిక్కుకోగానే అక్కడ్నించి పరారయ్యాడు. ప్రాథమిక చికిత్స అనంతరం బాధిత బాలికను శనివారం రాత్రి జిల్లా ఆసుపత్రికి తరలించారు. ఆమె శరీరం 50 శాతం కాలిపోయినట్లు అక్కడి వైద్యులు తెలిపారు.

బాధితురాలి ఫిర్యాదు మేరకు రాజ్‌గఢ్ పోలీసులు కేసును నమోదు చేసుకుని దర్యాప్తు ప్రారంభించారు. నిందితుడిని పట్టుకోవడానికి ప్రత్యేక త్రిసభ్య బృందాన్ని ఏర్పాటు చేసి ఆదివారం రాత్రి అతడ్ని అదుపులోకి తీసుకున్నారు.

English summary

A 16-year-old boy was arrested on Sunday night in Madhya Pradesh’s Rajgarh district for allegedly setting a girl on fire after she resisted his attempt to sexually assault her. The girl, who is 13 years old, is in hospital and is in serious condition, a police official said on Monday. She suffered nearly 50% burn injuries. The boy reportedly entered the girl’s house in Sustani village on Saturday when she was alone and tried to sexually assault her, police officer Indraraj Singh said. When she resisted, he poured kerosene over her and set her ablaze, he added. The district Superintendent of Police Simala Prasad then launched a search for the absconding boy. The police have filed a case against the boy under relevant sections of the Indian Penal Code and the Protection of Children from Sexual Offences Act. An investigation is under way.