CBSE 10th Class Results 2022- 10th ఫలితాలు విడుదల-94.90 శాతం ఉత్తీర్ణత

సీబీఎస్ఈ పదో తరగతి పరీక్షా ఫలితాలు కూడా విడుదలయ్యాయి. ఉదయం సీబీఎస్ఈ 12వ తరగతి ఫలితాల్ని విడుదల చేసిన బోర్డు.. మధ్యాహ్నం పదో తరగతి పరీక్ష ఫలితాల్ని ప్రకటించింది. ఇందులో 94.90 శాతం ఉత్తీర్ణత నమోదైంది. ఒకే రోజు సీబీఎస్ఈ బోర్డు 10, 12 తరగతుల ఫలితాల్ని ప్రకటించడం విశేషం.

CBSE 10వ తరగతి ఫలితాలు 2022 ఇవాళ విడుదలయ్యాయి. గత రెండేళ్ల ఫలితాలతో పోలిస్తే తొలిసారిగా CBSE 10వ ఫలితాల్లో తగ్గుదల నమోదైంది. అయితే, ఫలితాలు మొత్తంగా కరోనా పూర్వ స్థాయిల కంటే మెరుగ్గా ఉన్నాయి. ఆన్‌లైన్‌లో చాలా తరగతులు ఉన్నప్పటికీ, విద్యార్థులు అధిక ఉత్తీర్ణత శాతాన్ని పొందారు. పరీక్షకు హాజరైన వారిలో 94.40% మంది విద్యార్థులు ఉత్తీర్ణులయ్యారు. పరీక్షకు నమోదు చేసుకున్న 21,09,208 మంది విద్యార్థుల్లో 19,76,668 మంది ఉత్తీర్ణులయ్యారు. గతేడాది 99.04 శాతం ఉత్తీర్ణత శాతం తగ్గింది. ముఖ్యంగా, గత సంవత్సరం CBSE బోర్డు పరీక్షలను నిర్వహించలేదు. అలాగే గత ఏడాది ప్రతిభ ఆధారంగా ఫలితాలు ప్రకటించారు.

దీనికి విరుద్ధంగా ఈ ఏడాది కంపార్ట్‌మెంటల్ పరీక్షలకు హాజరయ్యే విద్యార్ధుల సంఖ్య కూడా పెరిగింది. 10వ తరగతి బోర్డుల్లో ఉత్తీర్ణత సాధించేందుకు 1,07,689 మంది విద్యార్థులు మళ్లీ పరీక్ష రాయాల్సి ఉంటుంది. గతేడాది కేవలం 17,636 మంది విద్యార్థులతో పోలిస్తే ఇది భారీ పెరుగుదల కావడం విశేషం.

ఇవాళ విడుదలైన సీబీఎస్ఈ పదో తరగతి పరీక్షల ఫలితాలను కింది వెబ్ సైట్లలో తెలుసుకునే అవకాశం కల్పించారు.
వెబ్ సైట్ల వివరాలు ఇవే..

https://cbseresults.nic.in

https://cbsedigilocker.gov.in

https://cbse.gov.in

English summary

cbse 10th class results have been released today.