• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts
Oneindia App Download

వచ్చే ఏడాది నుంచి కారులో ఆరు ఎయిర్‌బ్యాగ్స్ తప్పనిసరి: కేంద్రం, మిస్త్రీ మరణం ఎఫెక్ట్

|
Google Oneindia TeluguNews

న్యూఢిల్లీ: కేంద్ర ప్రభుత్వం మరో కీలక నిర్ణయం తీసుకుంది. ప్రయాణీకుల భద్రతను దృష్టిలో ఉంచుకుని.. అక్టోబర్ 2023 నుంచి ప్యాసింజర్ వాహనాల్లో కనీసం ఆరు ఎయిర్‌బ్యాగ్‌లను కేంద్రం తప్పనిసరి చేసింది.

మోటారు వాహనాల్లో ప్రయాణించే ప్రయాణికులందరి ఖర్చు, వేరియంట్‌లతో సంబంధం లేకుండా వారి భద్రతకు అత్యంత ప్రాధాన్యత ఇస్తున్నట్లు కేంద్ర రోడ్డు రవాణా, రహదారుల శాఖ మంత్రి నితిన్ గడ్కరీ గురువారం స్పష్టం చేశారు.

'ఆటో పరిశ్రమ ఎదుర్కొంటున్న ప్రపంచ సరఫరా గొలుసు పరిమితులు, స్థూల ఆర్థిక దృష్టాంతంపై దాని ప్రభావాన్ని పరిగణనలోకి తీసుకుంటే.. ప్యాసింజర్ కార్లలో (M-1 కేటగిరీ) కనీసం 6 ఎయిర్‌బ్యాగ్‌లను 01 అక్టోబర్ 2023 నాటికి తప్పనిసరి చేసే ప్రతిపాదనను అమలు చేయాలని నిర్ణయించారు.

Central Government makes 6 airbags in cars mandatory from October next year: Nitin Gadkari

ప్రయాణీకులందరికీ సీట్‌బెల్ట్ తప్పనిసరి

టాటా గ్రూప్‌ మాజీ ఛైర్మన్‌ సైరస్‌ మిస్త్రీ ఘోర రోడ్డు ప్రమాదం తర్వాత.. నిపుణులు, విమర్శకులు రవాణా, ట్రాఫిక్‌ నియంత్రణ వ్యవస్థలో లోపాలను ఎత్తిచూపారు. కారు ప్రయాణీకుల కోసం సీటుబెల్ట్‌లను నియంత్రించే చట్టాలపై ఎప్పటికీ అంతులేని ఊహాగానాల మధ్య, ప్రభుత్వం సెప్టెంబర్‌లో కారులో ప్రయాణీకులందరికీ సీట్‌బెల్ట్‌ను తప్పనిసరి చేసింది. ఈ నిబంధనను ఉల్లంఘించినవారు భారీ జరిమానా తప్పదు.

సైరస్ మిస్త్రీ ప్రమాదం:

2012- 2016 మధ్యకాలంలో టాటా గ్రూప్‌కు ఛైర్మన్‌గా ఉన్న షాపూర్జీ పల్లోంజీ గ్రూప్ వారసుడు సైరస్ మిస్త్రీ ఇటీవల ముంబై-అహ్మదాబాద్ హైవేపై జరిగిన రోడ్డు ప్రమాదంలో మరణించారు. మిస్త్రీ, మరో ముగ్గురితో కలిసి గుజరాత్ నుంచి మహారాష్ట్రకు వెళ్తుండగా పాల్ఘర్ జిల్లాలో వారి కారు డివైడర్‌ను ఢీకొట్టింది.

సైరస్ మిస్త్రీ, అతని స్నేహితుడు జహంగీర్ పండోల్ అక్కడికక్కడే మరణించగా, ఇతర ఇద్దరు ప్రయాణీకులు - గైనకాలజిస్ట్ అనహిత పండోల్, ఆమె భర్త డారియస్ పండోల్ తీవ్ర గాయాలతో ఆస్పత్రిలో చేరారు. అనహిత పండోలే కారు నడిపారు. కాగా, ఈ ప్రమాదంలో ప్రాణాలు పోవడానికి ఒకటి సీట్ బెల్టు పెట్టుకోకపోవడం, మరొకటి కారులో ఆరు ఎయిర్‌బ్యాగ్ లు లేకపోవడం. ఈ నేపథ్యంలోనే కేంద్రం ఆరు ఎయిర్ బ్యాగ్‌లు తప్పనిసరి చేసింది.

English summary
Central Government makes 6 airbags in cars mandatory from October next year.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X