అమెరికాతో యుద్ధం వేళ.. ఇరాన్ రాయబారికి కేంద్ర ప్రభుత్వం సమన్లు

పశ్చిమాసియాలో మరోసారి యుద్ధ మేఘాలు కమ్ముకున్నాయి. అమెరికా, ఇరాన్ దేశాల మధ్య మళ్లీ దాడులు- ప్రతిదాడులు మొదలయ్యాయి. ప్రపంచంలోనే అత్యంత కీలకమైన హోర్ముజ్ జలసంధిని మూసివేస్తోన్నట్లు ఇరాన్ అకస్మాత్తుగా ప్రకటించింది. ఈ సంచలన పరిణామం చోటుచేసుకున్న కొద్ది గంటల్లోనే అమెరికా వైమానిక దళం ఇరాన్‌లోని వ్యూహాత్మక సైనిక స్థావరాలపై విరుచుకుపడింది. వైమానిక దాడులను నిర్వహించింది. మూడో రోజు కూడా ఈ దాడులు కొనసాగాయి.

దీనికి ప్రతిగా ఇరాన్.. అమెరికాతో పాటు దాని మిత్ర దేశాలను లక్ష్యంగా చేసుకుంది. డ్రోన్ దాడులతో బెంబేలెత్తిస్తోంది. ఈ క్రమంలో హార్ముజ్ జలసంధి గుండా ప్రయాణిస్తోన్న యునైటెడ్ అరబ్ ఎమిరేట్స్ కు చెందిన కార్గో షిప్ పై భీకర దాడి చేసింది ఇస్లామిక్ రివాల్యూషనరీ గార్డ్స్ కార్ప్స్. ఒమన్ జలాల పరిధిలో మొంబాసా, అల్ బహియా ట్యాంకర్లపై ఈ దాడి జరిగింది. ఈ ఘటనలో భారత్ కు చెందిన ఓ సెయిలర్ మరణించారు. మరో ఎనిమిది మంది తీవ్రంగా గాయపడ్డారు.

గాయపడ్డ వారిలో ఆరుమంది భారతీయులు, ఇద్దరు ఉక్రెయిన్ దేశస్తులు ఉన్నారు. తాము విధించిన ఆంక్షలను లెక్క చేయకుండా హార్ముజ్ స్ట్రెయిట్ గుండా ప్రయాణించే ప్రయత్నం చేయడం వల్లే ఈ దాడి చేయాల్సొచ్చిందని ఐఆర్జీసీ వెల్లడించింది. ఈ దాడిలో భారత సెయిలర్ మరణించడాన్ని కేంద్ర ప్రభుత్వం తీవ్రంగా పరిగణనలోకి తీసుకుంది. తన నిరసనను తెలియజేసింది. ఇరాన్ చర్యలను తప్పుపట్టింది. తన అభ్యంతరం తెలియజేసింది.

ఈ క్రమంలో.. భారత్ లోని ఇరాన్ రాయబార కార్యాలయానికి సమన్లు పంపించింది. తమ ముందు హాజరు కావాలని ఆదేశించింది. ఎమిరేట్స్ ఆయిల్ ట్యాంకర్లపై దాడి చేయడానికి గల కారణాలను వివరించాలని సూచించింది. దీంతో ఆ దేశ ఉప రాయబారి డిప్యూటీ చీఫ్ ఆఫ్ మిషన్ మహ్మద్ జవాద్ హొస్సైనీ ఈ ఉదయం 11 గంటల సమయంలో విదేశాంగ మంత్రిత్వ శాఖ కార్యాలయానికి చేరుకున్నారు. ఆ శాఖ ఉన్నతాధికారును కలిశారు. దాదాపు అరగంట పాటు అక్కడే గడిపారు.

ఈ సందర్భంగా ఆయన విదేశాంగ మంత్రిత్వ శాఖ అధికారులకు లిఖితపూరక వివరణలు ఇచ్చినట్లు తెలుస్తోంది. హార్ముజ్ జలసంధిపై తాము ఆంక్షలను అధిగమించడం, పలుమార్లు హెచ్చరించినా పట్టించుకోకపోవడం వల్లే మిస్సైల్ దాడి చేయాల్సి వచ్చినట్లు మహ్మద్ జవాద్ హొస్సైనీ వివరణ ఇచ్చారని తెలుస్తోంది. ఈ తాజా దాడుల పరిణామాలు పశ్చిమాసియాలో మళ్లీ ఉద్రిక్తతలను పెంచాయి. అమెరికా బ్లాకెడ్ విధించడానికి కారణం అయ్యాయి.

#WATCH | Delhi: Iranian diplomats including Deputy Chief of Mission (DCM) Mohammad Javad Hosseini, who were summoned by Ministry of External Affairs, over recent attack on merchant vessels in Hormuz, leave from MEA

An Indian sailor was killed, six others were wounded in Iranian… pic.twitter.com/BUTEFblCdO

— ANI (@ANI) July 14, 2026

English summary

Centre Summons Iran’s Deputy Ambassador in India After Missile Strike on UAE Tankers Kills Indian Sailor. Iranian diplomats including Deputy Chief of Mission Mohammad Javad Hosseini, who were summoned by Ministry of External Affairs, over recent attack on merchant vessel. ఈ ఘటనలో భారత్ కు చెందిన ఓ సెయిలర్ మరణించారు. మరో ఎనిమిది మంది తీవ్రంగా గాయపడ్డారు.