Chandrayaan-3: చంద్రుడికి అడుగు దూరంలో - ఇక, కాలుమోపటమే మిగిలింది..!!

చంద్రయాన్-3 లో కీలక ఘట్టం చోటు చేసుకుంది. ఇస్రో చేపట్టిన ప్రతిష్ఠాత్మక చంద్రయాన్ -3 ప్రధాన దశకు చేరుకుంది. చంద్రుడికి అత్యంత దిగువన ల్యాండర్ మాడ్యూల్ కక్ష్యను ఇస్రో శాస్త్రవేత్తలు తగ్గించారు. రెండో, చివరి డీ - బూస్టింగ్ ను విజయవంతంగా పూర్ి చేసినట్లు శనివారం అర్ద్రరాతి దాటిన తరువాత ఇస్రో ప్రకటించింది. దీని ద్వారా చంద్రుడికి అతి దగ్గరి కక్ష్యలోకి విక్రమ్ మాడ్యూల్ చేరింది. ఇక, కాలుమోపే అద్భుత ఘట్టానికి సమయం ఆసన్నమైంది.

ఇస్తో శాస్త్రవేత్తలు మరో విజయం సాధించారు. చంద్రయాన్ -3 లో ఫైనల్ డీ బూస్టింగ్ ఆపరేషన్ చేపట్టి విజయవంతంగా ల్యాండర్ ను దిగువ కక్ష్యకు చేర్చారు. దీంతో ఈ నెల 23న సాయంత్రం 5.45 గంటలకు చంద్రుడు పై అడుగు పెట్టే ప్రక్రియపై మరింత ఉత్కంఠ పెరుగుతోంది. తాజాగా ఇస్రో కీలక ప్రకటన చేసింది. చంద్రుడి అతి దగ్గర కక్ష్యలోకి విక్రమ్ మాడ్యూల్ చేసింది. చంద్రుడి నుంచి విక్రమ్ ల్యాండర్ ప్రస్తుతం అత్యల్పంగా 25 కిలో మీటర్లు, అత్యధికంగా 134 కిలో మీరట్ల దూరంలో ఉన్న కక్ష్యలో పరిభ్రమిస్తోంది. ఈ కీలక ఘట్టం పూర్తి కావటంతో ల్యాండర్ చంద్రుడి దక్షిణ ధ్రువం ఉపరితలంపై దిగటమే మిగిలి ఉంది. దీంతో, ఇస్రో శాస్త్రవేత్తలు మరింత అలర్ట్ అయ్యారు.

ఇస్రో శాస్త్రవేత్తలు ప్రస్తుతం కీలక, చివరి దశ అయిన విక్రమ్ సాఫ్ట్ ల్యాండింగ్ పైనే ఫోకస్ చేసారు. అన్నీ అనుకూలిస్తే ఇస్రో ఆగస్టు 23న చంద్రుడి దక్షిణ ధ్రువంపై ఘనంగా కాలు మోపనుంది. రెండో చివరి డీ బూస్టింగ్ ఆపరేషన తో ల్యాండర్ మాడ్యూల్ 25 కిలో మీటర్లు..134 కిలో మీటర్ల కక్ష్యలోకి చేరందని తాజాగా ఇస్రో ట్వీట్ లో పేర్కొంది. మాడ్యూల్ ను అంతర్గతంగా తనిఖీ చేయాల్సి ఉందని వెల్లడించింది. ఎంచుకున్న ల్యాండింగ్ సైట్ లో సూర్యోదయం కోసం ఎదురుచూస్తన్నట్లు ఆసక్తి కర అంశాన్ని షేర్ చేసుకుంది. దీంతో ఇక చంద్రుడిపై అడుగు పెట్టే ప్రక్రియ ఆగస్టు 23న సాయంత్రం 5.45 గంటలకు ప్రారంభం కానున్నట్లు ఇస్రో ప్రకటించింది.

Chandrayaan-3 Mission:

The second and final deboosting operation has successfully reduced the LM orbit to 25 km x 134 km.

The module would undergo internal checks and await the sun-rise at the designated landing site.

The powered descent is expected to commence on August… pic.twitter.com/7ygrlW8GQ5

— ISRO (@isro) August 19, 2023

English summary

The ISRO said it successfully reduced the orbit of the Chandrayaan-3 mission's Lander Module (LM), further bringing it nearer to the moon.