24లక్షల విలువైన పైరసీ సీడీలను రోడ్డురోలర్తో తొక్కించేశారు
చెన్నై: తమిళనాడు పోలీసులు కొత్త సినిమాల పైరసీపై ఉక్కుపాదం మోపుతున్నారు. పలువురు వ్యక్తుల నుంచి స్వాధీనం చేసుకున్న 80వేల వీసీడీలు, డీవీడీలను ధ్వంసం చేశారు.
స్వాధీనం చేసుకున్న డిస్కులను ఓ రోడ్డుపై వేసి, రోడ్డురోలర్తో తొక్కించారు. ఆ సీడీల విలువ రూ. 24లక్షలు ఉంటుందని పోలీసులు తెలిపారు. సీడీలతోపాటు 34 డీవీడీ రైటింగ్ మెషీన్లు కూడా రోడ్డురోలర్తో తొక్కించేశారు.
ఈ ప్రత్యేక కార్యక్రమానికి పోలీసులు ఉన్నతాధికారుల నుంచి అనుమతి కూడా తీసుకున్నారు. పాత కమిషన్ కార్యాలయం వద్ద ఈ సీడీలను ధ్వంసం చేశారు. రోడ్డు రోలర్ నిమిషాల వ్యవధిలో పని పూర్తి చేయగా, చెన్నై కార్పొరేషన్ సిబ్బంది తుక్కుమారిన సీడీలను, రైటింగ్ మెషీన్లను అక్కడి నుంచి ఎత్తివేశారు.
కొబ్బరికాయలు దొంగిలించాడని చంపేశారు
గాంధీనగర్: కొబ్బరికాయలు దొంగిలించాడని ఓ వ్యక్తిని చెట్టుకు కట్టేసి కొట్టి చంపారు. ఈ దారుణ ఘటన గుజరాత్లోని వడోదర ప్రాంతంలో చోటుచేసుకుంది. స్థానిక భేలి గ్రామానికి చెందిన రమేశ్(24) అదే గ్రామానికి చెందిన పటేల్ పొలంలోని కొబ్బరికాయలు కోస్తుండగా పటేల్, తన అనుచరుడితో కలిసి వెళ్లి పట్టుకున్నాడు.
అనంతరం రమేశ్ని చెట్టుకు కట్టేసి తీవ్రంగా కొట్టారు. ఆ తర్వాత పటేల్ పోలీసు స్టేషన్కి వెళ్లి ఫిర్యాదు చేశాడు. పోలీసులు ఘటనాస్థలికి చేరుకొని రమేశ్ని ఆస్పత్రికి తరలించగా, అప్పటికే మృతిచెందినట్లు వైద్యులు తెలిపారు. దీంతో పటేల్ని, అతని అనుచరుడినీ పోలీసులు అరెస్టు చేశారు.
Click it and Unblock the Notifications
Sign in with Google