భారత్ లో పెరుగుతున్న కొత్త కేసులతో ఆందోళన .. తాజాగా 44,230 కొత్త కేసులు, 555 మరణాలు !!

భారతదేశంలో కరోనా మహమ్మారి పంజా విసురుతూనే ఉంది. గత కొద్దిరోజులుగా కరోనా కేసులు క్రమంగా పెరుగుతున్నాయి. గత 24 గంటల్లో భారతదేశం 44,230 కొత్త కరోనావైరస్ కేసులు నమోదయ్యాయి. ఇక గత 24 గంటల్లో 555 కరోనా మరణాలు నమోదయ్యాయి. దీంతో ఇప్పుడు దేశవ్యాప్తంగా మొత్తం మరణాలు 4.23 లక్షలుగా ఉంది. తాజాగా నమోదైన కేసులతో కలిపి భారతదేశంలో మొత్తం కేసుల సంఖ్య ఇప్పుడు 3.15 కోట్లుగా ఉంది.

4.05 లక్షలకు చేరుకున్న కరోనా యాక్టివ్ కేసులు

గత 24 గంటల్లో యాక్టివ్ కేసులు 1,315 తగ్గి 4.05 లక్షలకు చేరుకున్నాయి. ప్రస్తుతం, యాక్టివ్ కేసులు మొత్తం కేసుల్లో 1.28 శాతంగా ఉన్నాయి. దేశంలోని తాజా రోజువారి కేసులలో కేరళ రాష్ట్రంలోనే 22,064 కొత్త కేసులు నమోదయ్యాయి. 7,242 కేసులతో మహారాష్ట్ర, 2,107 కేసులతో ఆంధ్రప్రదేశ్ ఉన్నాయి. భారతదేశ పరీక్ష సానుకూలత రేటు 2.43 శాతం వద్ద ఉంది. 85% పైగా జిల్లాలు 5% కంటే తక్కువ పరీక్షల పాజిటివిటీ రేటును నమోదు చేస్తున్నాయి.

దేశంలో క్రియాశీల కేసుల్లో కేరళ టాప్ లో

భారతదేశంలో క్రియాశీల కేసుల్లో 37 శాతానికి పైగా కేరళలో ఉన్నాయని ప్రభుత్వ వర్గాలు తెలిపాయి. రాష్ట్రంలో కరోనా కేసుల పెరుగుదల నేపథ్యంలో అక్కడ సమర్థవంతమైన కోవిడ్ -19 నిర్వహణ కోసం ఒక బృందాన్ని కేంద్రం పంపించింది. పొరుగున ఉన్న కర్ణాటకలో గురువారం కోవిడ్ కేసులు బాగా పెరిగాయి. దక్షిణాది రాష్ట్రంలో 2,052 కొత్త కేసులు నమోదయ్యాయి. బుధవారం 1,531 కంటే 34 శాతం ఎక్కువ. రాష్ట్ర రాజధాని బెంగళూరు నుంచి కనీసం 505 కేసులు నమోదయ్యాయి.

కోలుకున్న వారి సంఖ్య ఇప్పటివరకు 3,07,43,972

కరోనా మహమ్మారి బారిన పడి భారతదేశంలో కోలుకున్న వారి సంఖ్య ఇప్పటివరకు 3,07,43,972 కు చేరుకుంది. గత 24 గంటల్లో కరోనా మహమ్మారి నుండి 42,360 మంది కోలుకున్నారు. గత 24 గంటల్లో 18,16,277 మందికి కరోనా నిర్ధారణ పరీక్షలు చేసినట్లుగా గణాంకాలు వెల్లడిస్తున్నాయి. ఇక మహమ్మారి రెండవ తరంగం ప్రారంభమైనప్పటి నుండి ఢిల్లీలో కోవిడ్ సంబంధిత మరణాలు మూడోసారి నమోదు కాలేదు. నగర ఆరోగ్య శాఖ పంచుకున్న డేటా ప్రకారం, జాతీయ రాజధాని 0.08 శాతం తక్కువ పాజిటివిటీ రేటును నివేదిస్తోంది.

ప్రపచ వ్యాప్తంగా 194 మిలియన్ల మంది కరోనా బారిన పడిన వారు

దేశంలో ఇప్పటివరకు 45.55 కోట్లకు పైగా వ్యాక్సిన్ డోస్‌లు ఇవ్వబడ్డాయని ఆరోగ్య మంత్రిత్వ శాఖ తెలిపింది. ప్రపంచవ్యాప్తంగా దాదాపు 194 మిలియన్ల మంది ప్రజలు కోవిడ్-19 బారిన పడ్డారని ప్రపంచ ఆరోగ్య సంస్థ తెలిపింది.గత వారంలో కరోనా వ్యాప్తి 8% పెరిగిందని చెప్పారు. ఈ కాలంలో ప్రపంచవ్యాప్తంగా కరోనావైరస్ మరణాల సంఖ్య 21% పెరిగింది. 69,000 మరణాలలో ఎక్కువ భాగం అమెరికా మరియు ఆగ్నేయాసియాలో నమోదయ్యాయి.

English summary

India added 44,230 new coronavirus cases over the last 24 hours - the highest cases in nearly two weeks -while deaths from COVID-19 rose by 555. The country's overall caseload now stands at 3.15crore, while total fatalities are at 4.23lakh.