దేవుడా: కొడుకు జాడ కోసం మృతదేహాల మధ్య తండ్రి అన్వేషణ..!!

భువనేశ్వర్: కోరమాండల్ ఎక్స్‌ప్రెస్‌కు సంభవించిన ఘోర ప్రమాద ఘటనలో మృతుల సంఖ్య మరింత పెరిగింది. ఈ ఉదయం 233 మంది మరణించినట్లు అధికారులు ప్రకటించారు. సహాయక చర్యలు కొనసాగుతున్న కొద్దీ మరిన్ని మృతదేహాలు బయటపడ్డాయి. మధ్యాహ్నానికి మృతుల సంఖ్య 288కి చేరింది. 1,000 మంది గాయపడ్డారు. వారిలో కొందరి పరిస్థితి విషమంగా ఉండటం వల్ల మృతుల సంఖ్య మరింత పెరగొచ్చనే ఆందోళన సర్వత్రా వ్యక్తమౌతోంది.

పశ్చిమ బెంగాల్‌లోని షాలిమార్ నుంచి చెన్నైకి బయలుదేరిన కోరమాండల్ ఎక్స్‌ప్రెస్.. మార్గమధ్యలో ఒడిశాలోని బాలాసోర్ జిల్లా బహనాగ రైల్వే స్టేషన్ సమీపంలో శుక్రవారం రాత్రి ప్రమాదానికి గురైన విషయం తెలిసిందే. గూడ్స్ రైలును ఢీ కొని పట్టాలు తప్పింది. ఈ ఘటనలో బోగీలన్నీ చెల్లాచెదురయ్యాయి. అదే సమయంలో అటుగా వెళ్తోన్న హౌరా- యశ్వంత్‌పూర్ ఎక్స్‌ప్రెస్ కూడా పట్టాలపై పడిన గూడ్స్ ర్యాక్స్‌ను ఢీకొట్టింది.

ఈ ఘటనలో గాయపడ్డ వారిని పోలీసులు, సహాయక సిబ్బంది బాలాసోర్ ఆసుపత్రికి తరలించారు. అత్యవసర చికిత్స అందిస్తోన్నారు. గాయపడ్డ వారి సంఖ్య 1,000గా సౌత్ ఈస్టర్న్ రైల్వే అధికారులు నిర్ధారించారు. వారికి యుద్ధ ప్రాతిపదికన చికిత్స అందిస్తోన్నామని, దీనికి అయ్యే ఖర్చును తామే భరిస్తామని వెల్లడించారు. తీవ్రంగా గాయపడిన వారిని మరింత మెరుగైన చికిత్స కోసం భువనేశ్వర్, కటక్‌కు తరలించారు.

Heartbreaking and sad to see this heartbreaking .
Father searching for his Son among deadbodies.#BalasoreTrainAccident#train_accident #CoromandalExpressAccident#CoromondalExpress #RailwayMinister #IndianRailways #IndianRailway pic.twitter.com/Y2W46qOMpj

— Rajeev Kumar Sharma (@RajeevK78325493) June 3, 2023

సంఘటన స్థలంతో పాటు, బోగీల నుంచి వెలికి తీసిన మృతదేహాలను పోలీసులు, సహాయక సిబ్బంది బాలాసోర్ ప్రభుత్వ ఆసుపత్రికి తరలించారు. మినీ టెంపుల్లో వాటిని ఆసుపత్రికి తరలించారు. ఆసుపత్రి ఆవరణలో గల షెడ్‌లో వాటిని ఉంచారు. గుర్తించిన మృతదేహాలను వారి కుటుంబ సభ్యులు, బంధువులకు అప్పగిస్తోన్నారు. కుటుంబ సభ్యుల రోదనలు, ఆర్తనాదాలతో బాలాసోర్ ఆసుపత్రిలో విషాదకర ఛాయలు అలముకున్నాయి.

తన కుమారుడి జాడ కోసం షెడ్‌లో ఉంచిన మృతదేహాల మధ్య ఓ తండ్రి అన్వేషిస్తోండటం గుండెలను తడి చేసింది. కోరమాండల్ ఎక్స్‌ప్రెస్‌లో వస్తున్నట్లు ముందుగానే సమాచారం ఇచ్చాడని, మధ్యాహ్నం వరకు జాడ తెలియరాలేదని ఆ వ్యక్తి వాపోయాడు. భద్రక్ జిల్లాలోని షిగ్గో అనే గ్రామం నుంచి వచ్చానని చెప్పాడా వ్యక్తి. కొడుకు కనిపించట్లేదనే విషయం పోలీసులకు తెలియజేశానని, వెదకడానికి సహకరించాలంటూ అతను ప్రాధేయపడటం కలచివేసింది.

English summary

A man searches his son's dead body after the Coromandel express accident at Balasore in Odisha.