వణికిస్తున్న మహమ్మారి : 46,759 కొత్త కేసులు, 509 మరణాలు, కేసుల జోరుకు ఆ రాష్ట్రమే కారణం !!

భారతదేశాన్ని కరోనా మహమ్మారి మరోమారు వణికిస్తున్న పరిస్థితి కనిపిస్తుంది. రోజువారీ కేసులు విపరీతంగా పెరుగుతున్న పరిస్థితులు భారతదేశానికి ఆందోళనకరంగా తయారయ్యాయి. తాజాగా భారతదేశంలో రోజువారీ కోవిడ్ సంఖ్యలు నాలుగు శాతానికి పైగా పెరిగాయి . దేశంలో శనివారం 46,759 కొత్త కేసులు నమోదయ్యాయి. గత 24 గంటల్లో 509 మరణాలు నమోదయ్యాయని ప్రభుత్వ లెక్కలు చెబుతున్నాయి. కేరళలో విపరీతంగా పెరుగుతున్న కరోనా కేసులతో ఇప్పుడు భారతదేశానికి కొత్త భయం పట్టుకుంది.

ఇప్పటివరకు కరోనా మృతుల సంఖ్య 4,37,370

నివురుగప్పిన నిప్పులా కరోనా కేసులు పెరుగుతున్న తీరు ప్రజలను ఆందోళనకు గురి చేస్తున్నాయి. ఇటీవల కాలంలో మళ్లీ క్రియాశీల కేసులు పెరుగుతుండటం, రికవరీ రేటు పడిపోవడం ఆందోళన కలిగిస్తుంది. కరోనా థర్డ్ వేవ్ పొంచి ఉందని నిపుణుల హెచ్చరికల నేపథ్యంలో తాజా పరిస్థితి భయాందోళనకు గురి చేస్తోంది. తాజాగా 17,61,110 మందికి కరోనా నిర్ధారణ పరీక్షలు నిర్వహించినట్లుగా గణాంకాలు వెల్లడించాయి. గత 24 గంటల్లో నమోదైన కరోనా కేసులు ముందు రోజుతో పోలిస్తే 4.7 శాతం మేర అధికంగా నమోదయ్యాయి. ఇప్పటి వరకు దేశవ్యాప్తంగా 3.25 కోట్ల మందికి కరోనా మహమ్మారి కేసులు నమోదు కాగా, 4,37,370 మంది కరోనా కారణంగా ప్రాణాలు కోల్పోయారు.

పెరుగుతున్న క్రియాశీల కేసులు, తగ్గుతున్న రికవరీ రేటు .. కేరళలో కరోనా పంజా

క్రియాశీల కేసుల్లో కొద్దికొద్దిగా పెరుగుదల కనిపిస్తోంది . ప్రస్తుతం క్రియాశీల కేసులో రేటు 1.10శాతానికి చేరుకుంది. ప్రస్తుతం దేశంలో 3,59,775 కేసులు ఉన్నాయి. నిన్న ఒక్కరోజే కరోనా మహమ్మారి బారినుండి 31,374 మంది కోలుకున్నారు. దీంతో ఇప్పుడు దేశవ్యాప్తంగా కరోనా బారి నుంచి కోలుకున్న వారి సంఖ్య 3. 18 కోట్లకు చేరుకుంది. ఇక రికవరీ రేటు 97.56 శాతంగా ఉంది. కేరళ రాష్ట్రంలో కరోనా కంట్రోల్ లో లేదు. గత 24 గంటల్లో కేరళ 32,801 కొత్త కేసులను కేరళ రాష్ట్ర నమోదు చేసింది. దీంతో రాష్ట్రంలో మొత్తం బాధితుల సంఖ్య 38,14,305 కి చేరింది. దక్షిణాది రాష్ట్రంలో మూడు రోజులుగా 30,000 కేసులకు పైగా నమోదవుతున్నాయి. ఇక అత్యధికంగా దెబ్బతిన్న మహారాష్ట్ర, 24 గంటల్లో 4,654 కొత్త కరోనా కేసులు, 170 మరణాలను నివేదించింది.

ఢిల్లీలో తాజాగా 46 కేసులు, జీరో మరణాలు

ఇదిలా ఉంటే ఢిల్లీలో శుక్రవారం వైరస్ సంబంధిత మరణం నమోదు కాలేదు. అయితే 46 తాజా కేసులతో 0.06 శాతం పాజిటివిటీ రేటుతో కరోనా కేసులు నమోదయ్యాయని నగర ఆరోగ్య శాఖ తెలిపింది. దేశ రాజధానిలో మహమ్మారి యొక్క రెండవ తరంగం ప్రారంభమైనప్పటి నుండి ఒక రోజులో జీరో మరణం నమోదు కావడం ఇది 17 వ సారి. దేశ రాజధానిలో సానుకూలత రేటు 0.1 శాతంతో, ఢిల్లీ ప్రభుత్వం సెప్టెంబర్ 1 నుండి నగరంలో పాఠశాలలు తెరవాలని నిర్ణయించింది. అయితే ఉప ముఖ్యమంత్రి మనీష్ సిసోడియా, అయితే, విద్యార్థులకు తల్లిదండ్రుల అనుమతి అవసరమని, పాఠశాలలకు హాజరుకావాలని ఎవరూ బలవంతం చేయరని చెప్పారు .

1 కోటికి పైగా వ్యాక్సిన్ డోస్‌లతో నిన్న ఒక్కరోజే భారత్ రికార్డ్

గత 28 రోజులుగా భారతదేశ రోజువారీ సానుకూలత రేటు 3 శాతం కంటే తక్కువగా ఉంది . ప్రస్తుతం 2.19 శాతంగా ఉంది. దేశవ్యాప్తంగా వ్యాక్సినేషన్ డ్రైవ్ కింద ఇప్పటివరకు 62.29 కోట్లకు పైగా వ్యాక్సిన్ డోస్‌లు ఇవ్వబడ్డాయి. శుక్రవారం, భారతదేశం ఒక కొత్త మైలురాయిని సెట్ చేసింది. 1 కోటికి పైగా డోస్‌లు లబ్ధిదారులకు ఇవ్వబడ్డాయి.ఇమ్యునైజేషన్ వ్యాయామాన్ని విజయవంతం చేసినందుకు ప్రధాని నరేంద్ర మోడీ ట్విట్టర్‌లో ప్రజలకు అభినందనలు తెలిపారు. ఈ రోజు వ్యాక్సినేషన్ కార్యక్రమం 1 కోటి దాటడం ఒక గొప్ప విషయం అని వెల్లడించారు. టీకాలు వేసిన వారికి మరియు టీకాను విజయవంతం చేసిన వారికి ధన్యవాదాలు అని ఆయన ట్వీట్ చేశారు. కోవిడ్ -19 కి కారణమయ్యే వైరస్ యొక్క డెల్టా వేరియంట్ ఆల్ఫా వేరియంట్‌తో పోలిస్తే హాస్పిటలైజేషన్ ప్రమాదాన్ని రెట్టింపు చేస్తుందని నిపుణులు హెచ్చరిస్తున్నారు. ఇది ప్రపంచవ్యాప్తంగా ఆధిపత్య జాతిగా మారుతుందని ప్రపంచ ఆరోగ్య సంస్థ పదేపదే హెచ్చరికలు జారీ చేస్తుంది.

English summary

The corona epidemic seems to be plaguing India once again.There were 46,759 new cases and 509 deaths have been reported in the last 24 hours. With the rampant corona cases in Kerala, now a new fear has gripped India.