ఢిల్లీలో ప్రమాదకర స్థాయికి గాలి కాలుష్యం: ఇప్పటి వరకు ఇదే అత్యంత కలుషిత రోజు

న్యూ ఢిల్లీ: దేశ రాజధానిలోని చాలా ప్రాంతాల్లో కాలుష్యం ప్రమాదకర స్థాయికి చేరింది. బలహీనమైన గాలుల కారణంగా కాలుష్య కారకాలు పేలవంగా వ్యాప్తి చెందుతున్న నేపథ్యంలో న్యూఢిల్లీలోని ఆనంద్ విహార్‌లోని గాలి నాణ్యత శుక్రవారం 'తీవ్ర' స్థాయిలో నమోదైంది. తాజా అంచనా ప్రకారం రాబోయే మూడు రోజుల్లో గాలి నాణ్యత 'చాలా పేలవమైన' స్థాయికి చేరుతుంది.

కేంద్ర వాతావరణ కాలుష్య నియంత్రణ బోర్డు(సీపీసీబీ) ప్రకారం.. శుక్రవారం మధ్యాహ్నం 3 గంటలకు ఆనంద్ విహార్‌లో చివరిగా అప్‌డేట్ చేయబడిన ఎయిర్ క్వాలిటీ ఇండెక్స్ (AQI) 455 గా ఉంది. ఇది 'తీవ్రమైన' విభాగంలోకి వస్తుంది. ఉదయం 7 గంటలకు, ఆ ప్రాంతంలో AQI 455 ఉండటం సీజన్‌లో అత్యధికం.

కాలుష్య నియంత్రణ ప్యానెల్ ప్రకారం.. 'తీవ్రమైన' వర్గం ఆరోగ్యకరమైన వ్యక్తులను ప్రభావితం చేస్తుంది. ఇప్పటికే ఉన్న వ్యాధులు ఉన్నవారిని తీవ్రంగా ప్రభావితం చేసే అవకాశం ఉంది. సాయంత్రం 5 గంటలకు ఢిల్లీలో మొత్తం AQI 357, ఘజియాబాద్ 384, నోయిడా 371, గ్రేటర్ నోయిడా 364, ఫరీదాబాద్ 346గా ఉంది.

వాతావరణ నిపుణుల అభిప్రాయం ప్రకారం.. గాలి అధ్వాన్నమైన నాణ్యత .. గాలి దిశ, గాలి వేగం కారణంగా ఉంది. ఇది కాలుష్య కారకాలు పేరుకుపోవడానికి, వ్యవసాయ మంటల సంఘటనల పెరుగుదలకు కారణమవుతోంది.

సున్నా, 50 మధ్య ఉన్న AQI "మంచిది", 51 నుంచి 100 "సంతృప్తికరమైనది", 101-200 "మితమైన", 201-300 "కొంత కలుషితం", 301-400 "చాలా కలుషితం", 401-500 "తీవ్రమైన కాలుష్యం"గా పేర్కొనడం జరుగుతుంది.

నివేదికల ప్రకారం, దేశ రాజధానిలో గాలి నాణ్యత గురువారం 333 నుంచి శుక్రవారం ఉదయం 9.30 గంటలకు 346కి క్షీణించింది. వాజీర్‌పూర్ (380), పట్‌పర్‌గంజ్ (363), వివేక్ విహార్ (397), పంజాబీ బాగ్ (370), జహంగీర్‌పురి (397) "చాలా పేలవమైన" గాలి నాణ్యతను నమోదు చేశాయి.

దీపావళి సందర్భంగా టపాసులు పేల్చడం, ఎండిన పొలాలను తగలబెట్టడంతో రాజధానిలో కాలుష్యం తీవ్రంగా పెరుగుతోంది.
అక్టోబరు 24 నుంచి దేశ రాజధానిలో గాలి నాణ్యత క్షీణించడం ప్రారంభించడంతో చుట్టూ ఏడేళ్లలో అత్యల్పంగా మారింది. ఢిల్లీతో పాటు పంజాబ్, ఉత్తరప్రదేశ్, బీహార్‌లలోని 34 భారతీయ నగరాల్లో గాలి నాణ్యత సూచిక ప్రస్తుతం 'చాలా పేలవమైన' విభాగంలో ఉండటం గమనార్హం.

English summary

Delhi air quality hits 'hazardous' levels in some places, Most Polluted Day Of The Season So Far.