కారులోంచి మహిళను తోసేశారు: రేప్ చేశారని అనుమానం

న్యూఢిల్లీ: దేశంలో మహిళలపై దారుణాలు ఆగడం లేదు. దేశ రాజధాని ఢిల్లీకి చెందిన 25 ఏళ్ల మహిళ ఢిల్లీ - డెహ్రాడూన్ జాతీయ రహదారిపై స్పృహ తప్పి పడిపోయి ఉంది. ఆమెపై అత్యాచారం చేసి, ఆ తర్వాత కారులోంచి కిందికి తోసిసి ఉంటారని పోలీసులు అనుమానిస్తున్నారు.

బాధితురాలు ఢిల్లీలోని సలీంపురి వాసి. బర్లా గ్రామం వద్ద జాతీయ రహదారిపై ఆదివారం స్పృహ లేని స్థితిలో పడి ఉంది. అమ్మాయిపై దుండగులు అత్యాచారం చేసి, ఆ తర్వాత కదులుతున్న కారులోంచి కిందికి తోసేసి ఉంటారని పోలీసులు అంటున్ారు.

బాధితురాలని ఆస్పత్రిలో చేర్చారు. స్పృహలోకి రాగానే ఆమె వాంగ్మూలం తీసుకుంటారు. పోలీసులు కేసు నమోదు చేసుకుని దర్యాప్తు చేస్తున్నారు.

భార్య కజిన్‌ను కిడ్నాప్ చేసిన వ్యక్తి

వివాహ సంబంధమైన వివాదంలో ఓ వ్యక్తి భార్యకు చెందిన ఆరేళ్ల కజిన్‌ను కిడ్నాప్ చేశాడు. ఈ సంఘటనలో అతన్ని పోలీసులు అరెస్టు చేశారు. గురువారం సాయంత్రం దక్షిణ ఢిల్లీలోని వసంత్ కుంజ్‌లో ఈ సంఘటన చోటు చేసుకుంది. తనకూ తన భార్యకు మధ్య నెలకొన్న వివాదాన్ని ముగించాలనే డిమాండ్ పెట్టడానికి అతను ఆ పనికి ఒడిగట్టాడు. కజిన్‌ను ఎత్తుకుని పశ్చిమ బెంగాల్‌లోని తన స్వస్థలానికి వెళ్లి అత్తగారింటివారిని బ్లాక్ మెయిల్ చేయాలని చూశాడు. నిందితుడు అశ్వని దాస్ కోట్ల ముబారక్‌పూర్‌కు చెందినవాడు.

English summary

A 25-year-old Delhi-based girl was found unconscious with the police suspecting that she was raped and later thrown from a moving car near the Barla village on Delhi-Dehradun national highway.