డేరాబాబా కుడి భుజం దిలావర్ అరెస్ట్
డేరాబాబా కుడి భుజం దిలావర్ ఇన్సాన్ను హర్యానా పోలీసులు అరెస్ట్ చేశారు. డేరాబాబా అరెస్ట్ తర్వాత పంచకులలో చోటుచేసుకొన్న హింసాత్మక ఘటనల్లో దిలావర్ కీలకంగా వ్యవహరించారని పోలీసులు అనుమానిస్తున్నారు.
చంఢీఘడ్: డేరాబాబా కుడి భుజం దిలావర్ ఇన్సాన్ను హర్యానా పోలీసులు అరెస్ట్ చేశారు. డేరాబాబా అరెస్ట్ తర్వాత పంచకులలో చోటుచేసుకొన్న హింసాత్మక ఘటనల్లో దిలావర్ కీలకంగా వ్యవహరించారని పోలీసులు అనుమానిస్తున్నారు.
దాదాపు 20 సంవత్సరాల పాటు నిరాటంకంగా సాగిన గుర్మీత్ రామ్ రహీమ్ డేరా కుప్పకూలుతోంది. గుర్మీత్ ఇప్పటికే జైల్లో ఉండగా, డేరా మొత్తాన్నీ పోలీసులు తమ అధీనంలోకి తీసుకుని ఆయన అనుచరుల్లో ఒక్కొక్కరినీ అరెస్ట్ చేస్తున్నారు పోలీసులు.
డేరాబాబా: వారసుడిగా జస్మీత్ సింగ్, కాదు రామ్ రహీమ్ సింగ్, ఏం జరుగుతుంది?
తాజాగా గుర్మీత్ కుడి భుజంగా చెప్పుకునే దిలావర్ ఇన్సాన్ ను హర్యానా పోలీసులు అరెస్ట్ చేశారు. గుర్మీత్ పై అత్యాచార ఆరోపణలు నిరూపితమై, శిక్ష పడన తరువాత హింసకు ప్రేరేపించారన్న ఆరోపణలపై ఆయన్ను అరెస్ట్ చేసినట్టు పోలీసు అధికారులు తెలిపారు.
డేరా బాబా: భక్తుల కోసం డ్రింక్, కానీ...47 నియమాలు తప్పనిసరి
డేరా అధికార ప్రతినిధిగా దిలావర్ వ్యవహరించారు. పానిపట్ లో అతన్ని అదుపులోకి తీసుకున్నామని, శుక్రవారం కోర్టు ముందు హాజరు పరుస్తామని రాష్ట్ర డైరెక్టర్ జనరల్ ఆఫ్ పోలీస్ బీఎస్ సంధూ వెల్లడించారు. ఆగస్టు 25న గుర్మీత్ పై నేరం నిరూపితమైన తరువాత దిలావర్ అజ్ఞాతంలోకి వెళ్లిపోయాడు.