గ్రేట్ డాటర్: తండ్రి ప్రాణాలు కాపాడేందుకు ఏం చేసిందో తెలుసా?

Updated: Thursday, November 9, 2017, 2:18 [IST]

న్యూఢిల్లీ: ఆడపిల్ల పుట్టిందంటే బాధపడిపోయే తండ్రులకు ఈ ఘటన ఓ గుణపాఠంగా నిలుస్తుంది. ఓ యువతి తన తండ్రిని కాపాడుకునేందుకు తన ప్రాణాలను సైతం లెక్కడ చేయలేదు. ఆమె చేసిన సాహసోపేత నిర్ణయాన్ని ఓ వైద్యుడు వెలుగులోకి తెచ్చాడు.

ధైర్యశాలి

వివరాల్లోకి వెళితే.. డాక్టర్‌ రచిత్‌ భూషణ్‌ శ్రీవాస్తవ తన ఫేస్‌బుక్‌ ఖాతాలో ఇందుకు సంబంధించిన పోస్టును పెట్టాడు. పూజా బిజార్ణియా అనే ఓ ధైర్యం కలిగిన కూతురు చావు బతుకుల మధ్యనున్న తన తండ్రిని రక్షించడం కోసం తన లివర్‌ను దానం చేసిందని పేర్కొన్నారు.

అభినందించకుండా..

ఆ ఆపరేషన్‌ సక్సెస్‌ అయిందని, తండ్రికి లివర్‌ను దానం చేసిన ఆ కూతురును అభినందించకుండా ఉండలేకపోతున్నానంటూ డాక్టర్‌ భూషణ్‌ పేర్కొన్నారు.

తండ్రీకూతుళ్ల ఫొటోలు..

కూతుళ్లు ఎందుకు పనికిరారంటూ వాపోయే తండ్రులకు ఈమె ఓ గుణపాఠమని చెప్పారు. కాగా, ఈ తండ్రి కూతుళ్ల ఫొటోను కూడా ఆయన తన ఫేస్‌బుక్‌లో షేర్‌ చేశారు.

నెటిజన్ల ప్రశంసలు

డాక్టర్ రచిత్ భూషణ్ శ్రీవాస్తవ తన ఫేస్ బుక్ ఖాతాలో పోస్టు చేసిన ఈ ఫొటో వైరల్‌గా మారింది. ఆ ధైర్యశాలి కూతురుపై నెటిజన్లు ప్రశంసల వర్షం కురిపిస్తున్నారు. తండ్రి ప్రాణాలు కాపాడేందుకు ఎంతో సాహసోపేతమైన నిర్ణయం తీసుకున్నావంటూ కొనియాడారు.