'సాయం కావాలి, శశికళకు చెక్ చెప్పాలంటే రావాలి': రజనీకాంత్‌కు పిలుపు

రజనీకాంత్ రాజకీయాల్లోకి రావాలని అభిమానులు, మంచి రాజకీయాలు కోరుకుంటున్న వారు విజ్ఞప్తి చేస్తున్నారు.

చెన్నై: తమిళనాడులో ప్రస్తుత రాజకీయ పరిస్థితుల నేపథ్యంలో రజనీకాంత్‌కు డిమాండ్ బాగా పెరిగింది. ఆయన రాజకీయాల్లోకి రావాలని అభిమానులు, మంచి రాజకీయాలు కోరుకుంటున్న వారు విజ్ఞప్తి చేస్తున్నారు.

మరోవైపు, భారతీయ జనతా పార్టీ కూడ ఆయన ద్వారా ఆయన ద్వారా తమిళనాట పాగా వేయాలని భావిస్తోంది. 2014లోనే ఆయన మద్దతు కోసం ప్రయత్నించి, విఫలమైంది. ఇప్పుడు మరోసారి ఆయన కోసం పావులు కదుపుతున్నట్లుగా వార్తలు వస్తున్నాయి.

జయలలిత మృతి అనంతరం శశికళ అన్నాడీఎంకే పార్టీ చీఫ్ అయ్యారు. ఆ తర్వాత రెండు రోజుల క్రితం అన్నాడీఎంకే శాసన సభా పక్ష నాయకురాలిగా ఎన్నికయ్యారు. ఈ రోజు (మంగళవారం) ఆమె ప్రమాణ స్వీకారం చేయాల్సి ఉండింది. కానీ మారుతున్న రాజకీయ పరిణామాల నేపథ్యంలో వాయిదా పడింది.

ఈ నేపథ్యంలో రజనీకాంత్‌కు అభిమానులు, ఇతరులు సోషల్ మీడియా ద్వారా విజ్ఞప్తి చేస్తున్నారు. రజనీ రాజకీయాల్లోకి రావాలంటున్నారు. జయలలిత మృతి అనంతరం తమిళనాట మంచి రాజకీయం కోసం సూపర్ స్టార్ రంగంలోకి దిగాలంటున్నారు.

ముఖ్యమంత్రి కావాలనకుున్న శశికళకు, ఆమె వ్యూహాలకు చెక్ చెప్పగల హీరో రజనీకాంత్ అని సోషల్ మీడియాలో పేర్కొంటున్నారు. శశికళ వంటి వారు సీఎం కావొద్దంటున్నారు. 'సూపర్ స్టార్ తలైవా మీరు రావాల్సిన సమయం వచ్చింది. ప్రస్తుత పరిస్థితుల్లో మాకు సాయం చేయాలి. శశికళ సీఎం కావొద్దు' అని ఓ అభిమాని ట్వీట్ చేశారు.

@superstarrajini thalaiva we need you to come and help us to avoid this situation. Sasikala should not become CM #voteagainstsasikala

— UdayaKumar Shanmugam (@calludaya4500) 5 February 2017

English summary

In the wake of AIADMK general secretary VK Sasikala becoming the next CM of Tamil Nadu, many want Rajinikanth to join politics to avoid the situation.