Click it and Unblock the Notifications
Just In
Don't Miss
-
IPL 2024: హార్దిక్.. ఈ ఎక్స్ట్రాలే తగ్గించుకోమనేది!వీడియో -
గొప్ప మనసు చాటుకున్న రాఘవ లారెన్స్.. దివ్యాంగులకు టీవీఎస్ స్కూటర్ల పంపిణీ -
అరెంజ్ మ్యారెజ్ చేసుకోవాలనుకుంటున్నారా ? అయితే ఈ ముఖ్యమైన విషయాలను తెలుసుకోవాల్సిందే.. -
పడక గదిలోకి వెళ్లందే ఆఫర్లు రావు.. టాప్ సింగర్పై మండిపడ్డ నటి కస్తూరి -
Samsung నుంచి కొత్త 8K మరియు 4K AI టీవీ లు లాంచ్‌ అయ్యాయి! ధర, ఫీచర్లు, ఆఫర్లు -
Market Closing: నష్టాల్లోకి జారుకున్న సెన్సెక్స్-నిఫ్టీ.. ఆ రెండిటిపైనే అందరి కన్ను.. -
ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
భీమ్ యాప్ యూజర్లకు భారీ క్యాష్‌బ్యాక్‌ ఆఫర్లు, పంద్రాగస్ట్ నజరానా
ఈ స్వాతంత్య్ర దినోత్సవ కానుకగా భీమ్ యూజర్లకు బంపర్‌ బొనాంజాలు అందనున్నాయి.
బెంగళూరు : ఈ స్వాతంత్య్ర దినోత్సవ కానుకగా భీమ్ యూజర్లకు బంపర్‌ బొనాంజాలు అందనున్నాయి. భీమ్ యాప్ ద్వారా డిజిటల్‌ లావాదేవీలను పెంచడానికి వీరికి భారీ మొత్తంలో క్యాష్‌బ్యాక్‌ ఆఫర్లను అందించాలని ప్రభుత్వం యోచిస్తోంది.
పెద్ద నోట్ల రద్దు తర్వాత డిజిటల్‌ లావాదేవీలను సులభతరం చేయడానికి ప్రధాని నరేంద్రమోడీ ఈ యాప్ ఎంతో ప్రతిష్టాత్మకంగా గత డిసెంబర్‌లో లాంచ్‌ చేసిన సంగతి తెలిసిందే.
ప్రస్తుతం ఇది నేషనల్‌ పేమెంట్స్‌ కార్పొరేషన్‌ ఆఫ్‌ ఇండియా(ఎన్‌పీసీఐ) ఆధ్వర్యంలో యూపీఐ ద్వారా పనిచేస్తోంది. భీమ్ యాప్ వాడే యూజర్లకు భారీగా క్యాష్‌బ్యాక్‌లు అందించాలని తాము ప్రభుత్వానికి ప్రతిపాదించామని, ఇది ఆగస్టు 15 నుంచి అమల్లోకి వచ్చే అవకాశముందని ఎన్‌పీసీఐ ఎండీ, సీఈవో ఏపీ హోటా చెప్పారు. ఇదే క్రమంలో భీమ్ కొత్త వెర్షన్‌ను కూడా ఆవిష్కరించాలని ప్లాన్‌ చేస్తున్నట్టు పేర్కొన్నారు.
డిజిటల్‌ లావాదేవీల్లో ముందున్న పేటీఎం, ఫోన్‌పే యాప్‌లు తమ ప్లాట్‌ఫామ్‌లపై భారీ మొత్తంలో డిస్కౌంట్లను ఆఫర్‌ చేస్తున్నాయి. వీటికి గ్లోబల్‌ ఇన్వెస్టర్లు మద్దతు ఉండటం వల్ల డిస్కౌంట్లు సాధ్యపడుతున్నాయి.
కానీ భీమ్ యాప్‌లో ఓ వ్యక్తి మరో వ్యక్తికి భీమ్ యాప్‌ను రిఫర్‌ చేస్తే, బోనస్‌ కింద 10 రూపాయలు, రిఫర్‌ చేసిన వ్యక్తి రూ.25 క్యాష్‌బ్యాక్‌ను అందిస్తోంది. గత నెలలోనే యూపీఐ ద్వారా లావాలేవీలను పెంచడానికి వర్తకులకు యూపీఐ ఛార్జీలను బ్యాంకులు తగ్గించాయి.
క్యాష్‌బ్యాక్‌ ప్రోత్సహకాలను మరింత పెంచాలని తాము ప్రభుత్వంతో చర్చించామని, అలాగైతేనే ఎక్కువమంది ఈ యాప్ వాడతారని చెప్పినట్టు తెలిపారు. ఆగస్టు 15 నుంచి అమల్లోకి తేవాలనుకుంటున్న ఈ ప్రోత్సాహకాల ప్రతిపాదనకు ప్రభుత్వ ఆమోదం కోసం వేచిచూస్తున్నామని చెప్పారు.
ప్రస్తుతం భీమ్ యాప్ వాడేవారికి క్యాష్‌బ్యాక్‌ ఆఫర్లు 10 రూపాయల నుంచి 25 రూపాయల మధ్యలో ఉన్నాయి. ఎక్కువ మొత్తంలో భీమ్ యూజర్లకు ప్రోత్సహకాలను అందిస్తే, ఇతర పేమెంట్‌ యాప్‌లను వాడే వారు కూడా భీమ్ యాప్‌కు మరలుతారని ఏపీ హోటా వివరించారు.
