శశికళ ఫ్యామిలీకి షాక్: చిన్నమ్మ బినామి వివేక్ బ్యాంక్ అకౌంట్స్ సీజ్, ఏం జరుగుతుందో !
శశికళకు షాక్ ఇచ్చిన ఆదాయపన్ను శాఖ అధికారులుశశికళ కుటుంబ సభ్యుల ఇంటిలో నాలుగో రోజూ దాడులుచిన్నమ్మ బినామి వివేక్ బ్యాంక్ అకౌంట్లు సీజ్, మన్నార్ గుడి మాఫియా హడల్
చెన్నై: అన్నాడీఎంకే పార్టీ నుంచి బహిష్కరణకు గురైన శశికళ మేనల్లుడు, జయ టీవీ ఎండీ, జాజ్ సినిమాస్ సీఇవో వివేక్ బ్యాంక్ అకౌంట్స్ ను ఆదాయపన్ను శాఖ అధికారులు సీజ్ చేశారు. శశికళ బినామిగా ఉన్న వివేక్ అక్రమాస్తులను గుర్తించిన అధికారులు షాక్ కు గురైనారు.
గత నాలుగు రోజులుగా తమిళనాడులో ఆదాయపన్ను శాఖ అధికారులు సోదాలు చేస్తున్న విషయం తెలిసిందే. ఆదివారం వివేక్ అక్రమాస్తులు గుర్తించిన ఆదాయపన్ను శాఖ అధికారులు అతని అకౌంట్లు సీజ్ చెయ్యాలని అధికారులు ఆదేశించారని తెలిసింది.
జయా టీవీ ఎండీగా, జాజ్ సినిమాస్ సీఇవోగా ఉన్న వివేక్ అక్రమాస్తులు సంపాధించారని, శశికళకు బినామీగా ఉన్నారని ఆదాయపన్ను శాఖ అధికారులు ప్రాథమిక విచారణలో వెలుగు చూసింది. వివేక్ ఆదాయానికి మించిన అక్రమాస్తులు సంపాదించాడని వెలుగు చూడటంతో ఆదాయపన్ను శాఖ అధికారులు ఈ నిర్ణయం తీసుకున్నారని తెలిసింది. వివేక్ బ్యాంక్ అకౌంట్స్ సీజ్ చెయ్యడంతో మన్నార్ గుడి మాఫియా హడలిపోయింది.