పరారైన ఖైదీలు: పోలీసులు కాల్పుల్లో 5గురు మృతి.. మిగతా 12 మంది తప్పించుకున్నారు...

రాంచీ: మావోయిస్టులు అధికంగా ఉండే జార్ఖండ్‌లో 17 మంది ఖైదీలు పోలీసుల కళ్లు కప్పి పరారయ్యేందుకు ప్రయత్నించారు. వివరాల్లోకి వెళితే... జైలు నుంచి న్యాయస్ధానానికి తీసుకెళుతుండగా వాహనం దిగి 17 మంది ఖైదీలు పరారయ్యారు. వారిని పట్టుకునేందుకు జరిపిన కాల్పుల్లో ఐదుగురు ఖైదీలు మరణించగా, మిగిలిన 12 మంది తప్పించుకున్నారు.

పరారైన ఖైదీలో కోసం పోలీసులు ముమ్మరంగా గాలింపు చేపట్టారు. పోలీసులు వెల్లడించిన వివరాల ప్రకారం ఈ ఘటన జార్ఖండ్ రాష్ట్రంలో దక్షిణాన ఉన్న ఛాయ్‌బాసాలో జరిగింది. ఖైదీలను ఎక్కించుకున్న జైలు వ్యాన్ మెయిన్ గేటు దాటి.. రెండవ గేటుకి సమీపంలో వస్తుండగా... ఖైదీలు జైలు అధికారులపై కారంపోడి చల్లి పారిపోయారు.

దీంతో ఒక్కసారిగా ఉలిక్కిపడిన పోలీసులు ఖైదీలపై కాల్పులు జరిపారు. ఈ కాల్పుల్లో 5గురు చనిపోయారు. చనిపోయిన వారి మృతదేహాలను జైలు అధికారులు స్వాధీనం చేసుకున్నారు.

English summary

According to the police, the jail van carrying these prisoners entered the main gate of the prison and left after the men deboarded. As they were about to enter the second gate, one of the prisoners threw chilli powder on the jail staff and tried to run towards the main exit, the police said, adding that the staff recovered and fired at them.