నెట్‌వర్క్ ఢమాల్.. 300కు పైగా విమానాలు ఆలస్యం!
మంగళవారం సాయంత్రం వేళ దేశంలోనే అత్యంత రద్దీగా ఉండే ముంబై ఛత్రపతి శివాజీ మహారాజ్ అంతర్జాతీయ విమానాశ్రయంలో ఊహించని టెక్నికల్ ప్రాబ్లం ప్రయాణికులను తీవ్ర ఇబ్బందులకు గురిచేసింది. సర్వర్స్ డౌన్ కావడంతో సిస్టమ్స్ నిలిచిపోయి సిబ్బంది చేతులతోనే చెకిన్ ప్రక్రియలు పూర్తి చేయాల్సి వచ్చింది.
సాయంత్రం 7 గంటల ప్రాంతంలో ప్రారంభమైన ఈ టెక్నికల్ గ్లిచ్ దాదాపు గంటపాటు కొనసాగింది. బోర్డింగ్ పాస్‌ల జారీ, పాసింజర్ స్కానింగ్ మెషిన్లు పని చేయకపోవడంతో ఎయిర్‌పోర్ట్ లోపల ప్రయాణికుల క్యూ లైన్లు భారీగా పెరిగిపోయాయి. ఇండిగో, ఎయిర్ ఇండియా వంటి ప్రధాన విమాన సంస్థల ప్రయాణికులు తీవ్ర ఇబ్బందులు ఎదుర్కొన్నారు.
చేతులతోనే చెకిన్.. రంగంలోకి ప్రత్యేక సిబ్బంది!
సర్వర్లు అకస్మాత్తుగా నిలిచిపోవడంతో పరిస్థితిని అదుపులోకి తెచ్చేందుకు విమానాశ్రయ నిర్వహణ సంస్థ మియాల్ (MIAL) తక్షణమే స్పందించింది. సాంకేతిక లోపాన్ని అధిగమించేందుకు డిజిటల్ విధానాన్ని పక్కనపెట్టి 'మాన్యువల్ చెకిన్' పద్ధతిని అమల్లోకి తెచ్చింది. ప్రతి ప్రయాణికుడి వివరాలను సిబ్బంది స్వయంగా సరిచూసి బోర్డింగ్ పాస్‌లు అందించడంతో సమయం తీవ్రంగా వృథా అయింది. గ్రేట్ గేట్ మార్పులు, ఫ్లైట్ క్రూ ఆలస్యం కావడం వంటి అంశాలు గందరగోళాన్ని మరింత పెంచాయి.
నంబర్ల లోతుల్లో.. 320కి పైగా సర్వీసులపై ప్రభావం!
విమానాశ్రయం పూర్తిస్థాయిలో మూతపడనప్పటికీ, చెకిన్ మందగించడం వల్ల సర్వీసుల షెడ్యూల్‌ తలకిందులైంది. లైవ్ ఫ్లైట్ ట్రాకింగ్ వివరాల ప్రకారం.. రాత్రి 9:30 గంటల సమయానికి సుమారు 327 విమానాలు ఆలస్యంగా నడిచాయి. సగటున ప్రతి విమానం బయలుదేరడానికి 50 నిమిషాల సమయం అదనంగా పట్టింది. అంతేకాకుండా దాదాపు 13 శాతం సర్వీసులు రద్దయినట్లు నివేదికలు స్పష్టం చేస్తున్నాయి.
ఆందోళనలో ప్రయాణికులు.. యథాతథ స్థితికి చర్యలు!
సాయంత్రం సమయం కావడం, వందలాది మంది ఒకేసారి విమానాశ్రయానికి చేరుకోవడంతో డిపార్చర్ హాల్స్‌లో తీవ్ర అలజడి నెలకొంది. విమానాశ్రయ ఇంజనీరింగ్ టీమ్స్ రంగంలోకి దిగి సాంకేతిక లోపాన్ని సరిచేసే పనులను వేగవంతం చేశాయి. వ్యవస్థలను పునరుద్ధరించినట్లు అధికారులు తెలిపినప్పటికీ, షెడ్యూల్‌ సాధారణ స్థితికి రావడానికి చాలా సమయం పట్టింది.
Click it and Unblock the Notifications
Sign in with Google
