మైసూర్ కలెక్టర్ గా పని చేసిన రోహిణి సింధూరిపై ఎమ్మెల్యే 100 రూపాయల పరువు నష్టం దావా.. రీజన్ ఇదే !!

కర్ణాటక కేడర్ తెలుగు ఐఏఎస్ అధికారిణి, ముక్కుసూటిగా వ్యవహరించే ఐఏఎస్ ఆఫీసర్ గా పేరు తెచ్చుకున్న రోహిణి సింధూరిపై వంద రూపాయల పరువు నష్టం దావా వేశారు. దేవాదాయ శాఖకు బదిలీ అయిన మైసూరు జిల్లా కలెక్టర్ గా వ్యవహరించిన తెలుగు రాష్ట్రానికి చెందిన ఐఏఎస్ అధికారిణి రోహిణి సింధూరి పై అదే జిల్లాకు చెందిన జేడీఎస్ పార్టీ మాజీ మంత్రి, తాజా ఎమ్మెల్యే సారా మహేష్ వంద రూపాయల పరువు నష్టం దావా వేయటం కర్ణాటక రాష్ట్రంలో చర్చనీయాంశం అయ్యింది.

రోహిణీ సింధూరిపై కోర్టుకెక్కిన ఎమ్మెల్యే సారా మహేష్

మైసూరు జిల్లా కలెక్టర్ గా రోహిణి సింధూరి పనిచేసిన ఏడెనిమిది నెలల పాటు అనేక వివాదాలు చెలరేగాయి.సారా మహేష్ కు, రోహిణి సింధూరి కి మధ్య వివాదాలు కోర్టుల దాకా చేరాయి. చామరాజనగర్ జిల్లా ఆస్పత్రిలో ఆక్సిజన్ అందక కరోనా బాధితులు 24 మంది మృతి చెందిన ఘటనకు జిల్లా కలెక్టర్ రోహిణి సింధూరి కారకురాలు అని సారా మహేష్ గతంలో ఆరోపణలు గుప్పించారు. ఆక్సిజన్ చేరవేయడంలో జాప్యం చేయడం వల్లనే వారు చనిపోయారని సారా మహేష్ పేర్కొన్నారు.

మైసూర్ కలెక్టర్ గా ఉన్నప్పుడు వారి మధ్య వరుస వివాదాలు

ఇక ఈ వివాదం పై ఇద్దరూ రిటైర్డ్ న్యాయమూర్తుల విచారణలో కోవిడ్ బాధితుల మృతి ఘటనకు, మైసూరు జిల్లా అధికారి రోహిణి సింధూరికి ఏ విధమైన సంబంధం లేదని తేల్చి చెప్పారు.ఈ క్రమంలో రోహిణి సింధూరి పై ఆరోపణలు చేసిన సారా మహేష్ జిల్లా ప్రజలకు, అధికారులకు క్షమాపణలు చెప్పాలని కూడా డిమాండ్ వినిపించింది. ఆ తర్వాత వరుస వివాదాలు వారిద్దరి మధ్య కొనసాగుతూనే ఉన్నాయి. సారా మహేష్ కు చెందిన కళ్యాణమండపం రాజ కాలువపై ఉందని జిల్లా అధికారి హోదాలో రోహిణి సింధూరి దానిపై దర్యాప్తు చేయించారు.

రోహిణీ సింధూరిపై వంద రూపాయల పరువు నష్టం దావా

అయితే రెవిన్యూ శాఖ దర్యాప్తులో అక్రమాలు చోటు చేసుకోలేదని తేలింది. ఆ తర్వాత తారా మహేష్ తో పాటు ఆయన భార్య కు చెందిన ఆస్తులను విచారించాలని రోహిణి సింధూరి మైసూర్ అభివృద్ధి ప్రాధికార సంస్థకు లేఖ రాశారు. ఇప్పుడు సారా మహేష్ ఆమెపై వంద రూపాయల పరువు నష్టం దావా వేశారు. ఇక తాజాగా విధి నిర్వహణలో నిక్కచ్చిగా ముక్కుసూటిగా వ్యవహరిస్తున్నారంటూ గుర్తింపు తెచ్చుకున్న రోహిణి సింధూరిపై యడ్యూరప్ప సర్కార్ బదిలీ వేటు వేసింది. ప్రస్తుతం ఆమె దేవాదాయశాఖ కమిషనర్ గా పని చేస్తున్నారు.

English summary

Karnataka cadre Telugu IAS officer Rohini Sindhuri, who is known as a straightforward IAS officer, has filed a defamation suit of Rs 100. Former JDS minister and present MLA Sara Mahesh's Rs 100 defamation suit against Telugu state IAS officer Rohini Sindhuri, who was transferred form as Mysore district collector to the endowment department commissioner , has become a hot topic in Karnataka.