దేశంలోనే అతిపెద్ద పొలిటికల్ పోల్: ఈ సర్వేలో మీరు పాల్గొన్నారా?
  • search

ఘోరం: కదులుతున్న రైల్లో గ్యాంగ్ రేప్ యత్నం.. దూకేసిన తల్లీకూతుళ్లు

By Ramesh Babu
Subscribe to Oneindia Telugu
For Quick Alerts
ALLOW NOTIFICATIONS
For Daily Alerts

    కోల్‌కతా: రైళ్లలో నేరాలు, ఘోరాలు పెరిగిపోతున్నాయి. తాజాగా కదులుతున్న రైల్లో 10-15 మంది వ్యక్తులు మూకుమ్మడిగా తల్లీకూతుళ్లపై అత్యాచార యత్నానికి పాల్పడడంతో ఆ దుర్మార్గుల చేతుల్లోంచి తప్పించుకునేందుకు వారు రైల్లోంచి కిందికి దూకేశారు.

    కన్న కొడుకునే పెళ్లి చేసుకుంది: కూతురినీ కూడా!.. అమెరికాలో ఓ తల్లి ఇలా!

    హౌరా-జోధ్‌పూర్ ఎక్స్‌ప్రెస్ రైలులో శనివారం రాత్రి చోటుచేసుకున్న ఈ ఘటనకు సంబంధించిన వివరాలు.. బాధితులు, రైల్వే పోలీసుల కథనం ప్రకారం ఇలా ఉన్నాయి. కోల్‌కతాకు చెందిన ఓ మహిళ(40), ఆమె కుమార్తె(15) ఢిల్లీకి వెళ్లేందుకు హౌరా-జోధ్‌పూర్ ఎక్స్‌ప్రెస్ రైలు ఎక్కారు.

    Mother, daughter jump off train near Kanpur after 10-15 men try to rape girl

    రైలు ఎక్కినప్పట్నించీ బోగీలోని 10-15 మంది వ్యక్తులు వీరిని గమనిస్తున్నారు. హౌరాలో రైలు కదిలినప్పట్నించి తొమ్మిదో తరగతి చదువుతున్న ఆమె కుమార్తెను టీజ్ చేయడం ప్రారంభించారు.

    తన కూతురి పట్ల వారి ప్రవర్తనకు విసిగిపోయిన ఆ మహిళ మధ్యలో రెండు స్టేషన్ల వద్ద రైలు ఆగినప్పుడు అక్కడి రైల్వే ప్రొటెక్షన్ ఫోర్స్(ఆర్పీఎఫ్) కానిస్టేబుళ్లకు ఫిర్యాదు కూడా చేసింది.
    దీంతో స్పందించిన కానిస్టేబుళ్లు వెంటనే ఆ తల్లీకూతుళ్లు ప్రయాణిస్తున్న బోగీ వద్దకు వచ్చి తనిఖీ చేశారు.

    ఎవరు అతిగా ప్రవర్తిస్తున్నరంటూ వాకబు చేసి ఓ ముగ్గురు యువకుల గూబ గుయ్ మనిపించడమేకాక వారిని ఆ బోగీలోంచి దించేసి తమతోపాటు పట్టుకుపోయారు. అయితే ఓ అరగంటలోనే మళ్లీ వారు ప్రత్యక్షమయ్యారు. రైలు బయలుదేరగానే మళ్లీ అదే బోగీలోకి ప్రవేశించారు.

    తమను ఆ మహిళ రైల్వే పోలీసులకు అప్పగించిందన్న కోపంతో వేధింపులు అధికం చేశారు. అడ్డుకోబోయిన ఆ మహిళతో.. 'చెప్పినట్లు వినకపోతే నీ కూతురుకి మత్తు ఇచ్చి తీసుకెళ్లి అమ్మిపారేస్తాం..' అంటూ బెదిరించారు.

    రాత్రి పది గంటల సమయంలో, ఆ మహిళ కుమార్తె టాయిలెట్ కు వెళుతున్న సమయంలో నలుగురైదుగురు ఆ బాలికను అడ్డగించి అత్యాచార యత్నానికి పాల్పడ్డారు. కూతురి అరుపులు విన్న తల్లి పరుగుపరుగున అక్కడికి చేరుకుని వారిని అడ్డుకునేందుకు ప్రయత్నించింది.

    అప్పటికే ఆ వ్యక్తులు ఆమె కుమార్తె దుస్తులు అక్కడక్కడ చింపేయడంతో వారిబారి నుంచి ఎలా తప్పిచుకోవాలో అర్థం కాక తల్లీకూతుళ్లిద్దరూ నడుస్తున్న రైల్లోంచి కిందికి దూకేశారు. అప్పటికి వారెక్కిన రైలు చందారి-కాన్పూర్ స్టేషన్ల మధ్య నడుస్తోంది.

    ఈ ఘటనలో తీవ్రంగా గాయపడిన తల్లీకూతుళ్లు దాదాపు 2 గంటలపాటు స్పృహ కోల్పోయారు. ఆ తరువాత ఓపిక తెచ్చుకుని లేచి నడుచుకుంటూ చందారి రైల్వేస్టేషన్ కు చేరుకోగా అక్కడి ప్రయాణికులు వారిని గమనించి, ఏం జరిగిందో తెలుసుకుని, వెంటనే అంబులెన్స్ పిలిపించి వారిని చికిత్స నిమిత్తం లాలా లజపత్ రాయ్ ఆసుపత్రికి తరలించారు.

    శనివారం రాత్రి జరిగిన ఈ ఘటన గురించి రైల్వే ప్రొటెక్షన్ పోలీసులకు ఆదివారం తెలిసింది. దీంతో ఈ ఘటనపై కేసు నమోదు చేసినట్లు కాన్పూర్ జీఆర్పీ స్టేషన్‌హౌస్ ఆఫీసర్ రామ్మోహన్ రాయ్ తెలిపారు.

    రైలు బోగీలో తమ పట్ల అసభ్యంగా ప్రవర్తిస్తున్నారంటూ తాము రైల్వే పోలీసులకు ఫిర్యాదు చేశామని, అయితే పోలీసులు వారి వద్ద లంచం పుచ్చుకుని వెంటనే వదిలిపెట్టేయడంతోనే ఆ ఆకతాయి వ్యక్తులు తిరిగి తాము ఉన్న బోగీలోనే ఎక్కి మరింతగా వేధింపులకు పాల్పడ్డారని ఆ బాలిక తల్లి చెబుతోంది.

    ఈ ఘటన గురించి సమాచారం అందగానే ఢిల్లీలో ఓ ప్రైవేటు సంస్థలో పని చేస్తున్న ఆ మహిళ భర్త కాన్పూర్ బయలుదేరాడని పోలీసులు పేర్కొన్నారు. అయితే ఆ మహిళ ఆరోపణలను నార్త్ సెంట్రల్ రైల్వే అధికారులు ఖండించారు.

    నార్త్ సెంట్రల్ రైల్వే చీఫ్ పీఆర్వో గౌరవ్ బన్సాల్ మాట్లాడుతూ.. హౌరాలో రైలు బయలుదేరగానే ఆకతాయిలు వేధింపులు మొదలుపెట్టారని, ఆ మహిళ చందారి రైల్వే స్టేషన్ సమీపంలోని రసూలాబాద్ వద్దకు రైలు రాగానే ఆర్పీఎఫ్ కానిస్టేబుళ్లకు సమీపంలో జరిగిందని, అది తమ పరిధిలోకి రానప్పటికీ ఆ మహిళ ఇచ్చిన ఫిర్యాదు మేరకు రైల్వే పోలీసులు స్పందించారని తెలిపారు.

    English summary
    A 40-year-old woman and her 15-year-old daughter jumped off a running train after a group of men attempted to rape the girl on board Howrah-Jodhpur Express late Saturday night.The mother and daughter who were travelling from Kolkata to Delhi in an unreserved coach, were forced to jump off the train when the men tried to drag the girl into the toilet. The incident happened when the train was between Chandari and Kanpur railway stations.The two fainted after jumping off the train. They remained unconscious for nearly two hours. After regaining consciousness, the injured mother and daughter walked to the Chandari railway station where people called an ambulance and rushed them to the Lala Lajpat Rai hospital.

    Oneindia బ్రేకింగ్ న్యూస్
    రోజంతా తాజా వార్తలను పొందండి

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more