అయోధ్య రాముని విగ్రహం కోసం నేపాల్ నుంచి 350 టన్నుల రాయి కానుకగా!

లక్నో: అయోధ్యలో రామమందిర నిర్మాణ పనులు వేగంగా జరుగుతున్నాయి. ఈ క్రమంలో నేపాల్‌లోని జానకి ఆలయం(జనక్‌పూర్) ఆధ్వర్యంలో కాళీ గండకీ నది నుంచి సుమారు ఏడు అడుగుల పొడవు, 350 టన్నుల బరువున్న రెండు శిలలు అయోధ్యకు తరలించనున్నారు. అయితే, అయోధ్యలో విగ్రహాన్ని నిర్మించడానికి నేపాల్ నుంచి తీసుకొచ్చే రాళ్లను ఉపయోగిస్తారా? లేదా? అనేదానిపై ఇంకా స్పష్టత రాలేదని ఆలయ ట్రస్ట్ అధికారి ఒకరు తెలిపారు.

నేపాల్‌లోని మయాగ్ది జిల్లాలోని కాళీ గండకి నది ఒడ్డున ఆదివారం భారీ హిమాలయ రాళ్లకు పూజారులు, స్థానిక నాయకులు, బెని మునిసిపాలిటీ నివాసితుల బృందం పూజాలు చేశారు. ఈ వేడుకకు నేపాలీ కాంగ్రెస్ కేంద్ర కమిటీ సభ్యుడు బిమలేంద్ర నిధి, గండకీ ప్రావిన్స్ చీఫ్ పృథ్వీ మాన్ గురుంగ్, సీనియర్ విశ్వహిందూ పరిషత్ నాయకుడు రాజేంద్ర సింగ్ పంకజ్, తదితరులు పాల్గొన్నారు.

జానకి దేవాయం అధిపతి మహంత్ రామతాపేశ్వర్ దాస్ మీడియాతో మాట్లాడుతూ.. భూగర్భ శాస్త్రవేత్తలు, సాంకేతిక నిపుణులతో సహా నిపుణుల బృందం వారాలపాటు నేలపై గడిపిన తర్వాత భారీ రాళ్లను గుర్తించామని తెలిపారు. నెలాఖరులోపు ఎంపిక చేసిన రాళ్లను, దాదాపు 350 టన్నులు, బహుమతిగా అయోధ్యకు తీసుకెళ్లనున్నట్లు తెలిపారు.

ఈ శిల వేల సంవత్సరాల పాటు కొనసాగుతుందని, భూకంపాల వల్ల దెబ్బతినకుండా ఉంటుందని మత గురువు పేర్కొన్నారు.

నారాయణి అని ప్రసిద్ధి చెందిన 'భక్తి' కాళీ గండకి, శాలిగ్రామ శిల (నదీ గర్భం నుంచి సేకరించిన వివిధ రకాల రాయిని ఏకైక మూలం విష్ణువుగా పూజిస్తారు) రాముడు విష్ణువు అవతారమని నమ్ముతారు.

హిమాలయ రాళ్ల మార్పిడి నేపాల్, భారతదేశం మధ్య మతపరమైన సంబంధాలను బలోపేతం చేస్తుందని అన్నారు. జనక్‌పూర్ ప్రజలు ఆలయ సముదాయంలో ప్రదర్శించడానికి లోహ శివ ధనుష్‌ను కూడా బహుమతిగా ఇస్తారని చెప్పారు.

ఈ అంశంపై మాట్లాడేందుకు శ్రీరామ జన్మభూమి తీర్థ క్షేత్ర ప్రధాన కార్యదర్శి చంపత్ రాయ్ నిరాకరించారు. అయితే అయోధ్యకు రాళ్లను పంపే విషయం ట్రస్టుకు తెలియదని ఆయన కార్యాలయం పేర్కొంది.

రాయ్, నవంబర్ 2022లో, రాముడి విగ్రహాన్ని నిర్మించడానికి కాళీ గండకీ నది నుంచి రాళ్లను పొందాలనే ఆలోచనను స్వాగతిస్తూ జానకి ఆలయానికి ఒక లేఖ పంపారు.

క్షేత్రానికి చెందిన ఒక సీనియర్ సభ్యుడు మాట్లాడుతూ.. గత ఏడాది నవంబర్‌లో ట్రస్ట్ సమావేశాలలో ఒకదానిలో ఈ ఆలోచనను చర్చించారు. "విగ్రహాన్ని నేపాల్ రాతి నుంచి నిర్మించాలా? లేక భారతదేశంలో సాధారణంగా పెద్ద దేవాలయాలలో దేవుళ్ళు, దేవతల విగ్రహాలను నిర్మించడానికి ఉపయోగించే మక్రానా పాలరాయి నుంచి నిర్మించాలా? అనేది మాకు ఇంకా ఖచ్చితంగా తెలియదు' తెలిపారు.

English summary

Nepal temple wants to gift 350-tonne stones to build Ram statue in Ayodhya.