డెల్టా ప్లస్ మాత్రమే కాదు, ప్రమాదకరమైన మరో మూడు వేరియంట్లు.. కింకర్తవ్యం ఇదే !!

Updated: Tuesday, June 29, 2021, 17:53 [IST]

కరోనావైరస్, గత సంవత్సరం వ్యాప్తి చెందినప్పటి నుండి, అనేక ఉత్పరివర్తనాలకు గురైంది. అయితే వాటిలో కొన్ని చాలా హానికరమని నిపుణులు వెల్లడిస్తున్నారు. కోవిడ్ -19 మరింత వేగంగా వ్యాప్తి చెందడానికి కారణమైన ఆ వేరియంట్ల జాబితా చూస్తే ప్రస్తుతం కొత్త ఉత్పరివర్తనగా వచ్చిన డెల్టా ప్లస్ తో పాటుగా ఆల్ఫా, బీటా, డెల్టా వేరియంట్లు హానికరమైన వేరియంట్లు గా ఉన్నట్టు ఇప్పటికే డబ్ల్యూహెచ్వో వెల్లడించింది.

ఆందోళన కలిగిస్తున్న డెల్టా ప్లస్ వేరియంట్

ప్రపంచం గత ఏడాదిన్నర కాలంగా కరోనా మహమ్మారితో అతలాకుతలమవుతోంది.లక్షల సంఖ్యలో మరణాలు నమోదు కాగా ప్రపంచవ్యాప్తంగా ఆర్థిక వ్యవస్థ కుదేలైంది. కరోనా మహమ్మారి నుండి బయట పడడానికి ప్రపంచం ఒకపక్కన పోరాటం చేస్తుంటే కరోనావైరస్ యొక్క ఉత్పరివర్తనలు సమస్యను మరింత పెంచుతున్నాయి. ఇవి మరింత ప్రాణాంతకమైనవిగా మారుతున్నాయి.భారతదేశంలోనూ , ప్రపంచవ్యాప్తంగానూ ఆందోళనకు ప్రస్తుత కారణం కరోనావైరస్ యొక్క డెల్టా ప్లస్ వేరియంట్.

ఇప్పటి వరకు ఇండియాలో 12 రాష్ట్రాల్లో డెల్టా ప్లస్ వేరియంట్

అత్యధికంగా వ్యాప్తి చేయగలిగిన డెల్టా ప్లస్ వేరియంట్ కొన్ని వ్యాక్సిన్లు మరియు చికిత్సలకు కూడా లొంగకుండా ప్రవర్తించే అవకాశం ఉందని ఆందోళన వ్యక్తమవుతోంది.డెల్టా ప్లస్ అనేది డెల్టా వేరియంట్ యొక్క పరివర్తన చెందిన రూపం. ఇది మొదటిసారి 2020 డిసెంబర్‌లో భారతదేశంలో కనుగొనబడింది. ఇప్పటివరకు, ఇది 12 రాష్ట్రాల్లో కనుగొనబడింది. ప్రభుత్వం ప్రకారం ఇప్పటివరకు డెల్టా ప్లస్ వేరియంట్ తో దాదాపు 50 మంది బాధితులు అయ్యారు. ఇది కాకుండా, డెల్టా ప్లస్ లాగ తీవ్రంగా కాకున్నా, ప్రజలలో త్వరగా వ్యాప్తి చెందడానికి, ఆర్థిక వ్యవస్థను నాశనం చేయడానికి మరికొన్ని వేరియంట్లు కూడా ఉన్నాయి.

హాని కలిగిస్తున్న మరో మూడు కరోనా వేరియంట్స్ , ఆల్ఫా , బీటా .. ఇలా

సెంటర్స్ ఫర్ డిసీజ్ కంట్రోల్ (సిడిసి) ప్రకారం, ఆ కరోనావైరస్ యొక్క ప్రముఖ వైవిధ్యాలు ఆల్ఫా, బీటా మరియు డెల్టా అని తెలుస్తుంది. B.1.1.7, లేదా ఆల్ఫా వేరియంట్ మొదటిసారి యునైటెడ్ స్టేట్స్ లో 2020 డిసెంబర్‌లో కనుగొనబడిందని సిడిసి తెలిపింది. ఈ వేరియంట్ యొక్క మూలం యునైటెడ్ కింగ్‌డమ్‌లో ఉన్నట్లు సిడిసి తెలిపింది. తర్వాతది కరోనావైరస్ యొక్క B.1.351 లేదా బీటా వేరియంట్. ఇది గత ఏడాది డిసెంబర్‌లో దక్షిణాఫ్రికా నుండి ప్రారంభమై జనవరిలో అమెరికాకు చేరుకుంది.

భారతదేశ మ్యూటేషన్ డెల్టా మోస్ట్ డేంజరస్

భారతదేశంలో మొట్టమొదట గుర్తించబడిన డెల్టా లేదా B.1.617.2 వేరియంట్, ఇతరులకన్నా ఎక్కువ ప్రభావవంతమైన వైరస్‌గా ఉందని, దక్షిణాఫ్రికాలో వినాశనం కలిగిస్తుందని సి డి సి వెల్లడించింది . ఇది ఇతర వైవిధ్యాల కంటే వేగంగా వ్యాపిస్తుందని , ఇది కరోనావైరస్ వ్యాధి (కోవిడ్ -19) యొక్క ఎక్కువ కేసులకు, తీవ్ర నష్టానికి కారణమవుతుందని పేర్కొంది. డెల్టా ప్లస్ అనేది డెల్టా వేరియంట్ యొక్క ఉత్పరివర్తన చెందిన మరింత ప్రమాదకరమైన రూపం. దీని కారణంగా భారత ప్రభుత్వం దీనిని ఇప్పటికే 'ఆందోళన చెందవలసిన వైవిధ్యంగా' ప్రకటించింది.

వ్యాప్తి ఆపటమే మ్యూటేషన్ లు తగ్గించే ఏకైక మార్గం : డబ్ల్యూహెచ్ఓ

ప్రపంచ ఆరోగ్య సంస్థ (డబ్ల్యూహెచ్‌ఓ) ప్రకారం, జనాభాలో వైరస్ ఎంత ఎక్కువగా వ్యాపిస్తుందో, వైరస్ ఉత్పరివర్తన అంత ఎక్కువగా చెందే అవకాశం ఉంటుంది. ఇది ఎంత ఎక్కువ వ్యాప్తి చెందుతుందో, అది మరింత ఉత్పరివర్తనాలు కు కారణం అవుతుంది. కాబట్టి వైరస్ వ్యాప్తికి అడ్డుకట్ట వేయడమే కొత్త ఉత్పరివర్తనాలు కు చెక్ పెట్టడానికి ఉపయోగపడుతుందని ప్రపంచ ఆరోగ్య సంస్థ పదే పదే చెబుతోంది. సరైన ప్రణాళికతో అన్ని దేశాలు కరోనా మహమ్మారి ఎదుర్కోవాలని, వ్యాక్సినేషన్ కార్యక్రమాన్ని యుద్ధ ప్రాతిపదికన పూర్తి చేయాలని సూచిస్తుంది.