వాహనదారులకు షాక్- ఆ వెహికల్స్ కు నో పెట్రోల్

ఆయిల్ కంపెనీలు కీలక నిర్ణయాన్ని తీసుకున్నాయి. వాహనదారులకు సడన్ షాకిచ్చాయి. కాలం చెల్లిన వాహనాలకు పెట్రలో గానీ, డీజిల్ గానీ పొయ్యకూడదని ఆదేశించాయి. దీన్ని దశలవారీగా అమలు చేస్తోన్నాయి. తొలి విడతలో ఢిల్లీ- నేషనల్ కేపిటల్ రీజియన్ పరిధిలో ఈ విధానం నేటి నుంచి అమలులోకి వచ్చింది.

వాయు కాలుష్యాన్ని తగ్గించాలనే ఉద్దేశంతో చమురు కంపెనీలు ఈ నిర్ణయాన్ని తీసుకున్నాయి. ఇందులో భాగంగా నేటి నుండి కొత్త, కఠినమైన నిబంధనలు అమలులోకి తీసుకొచ్చాయి. 10 సంవత్సరాలు పైబడిన డీజిల్ వాహనాలు, 15 సంవత్సరాలు పైబడిన పెట్రోల్ వాహనాలకు ఢిల్లీ- ఎన్సీఆర్ పరిధిలోని ఏ ఫ్యూయల్ పంప్ లోనూ ఇంధనం లభించదు.

కమిషన్ ఫర్ ఎయిర్ క్వాలిటీ మేనేజ్‌మెంట్ తో కలిసి ఆయిల్ కంపెనీలు దీన్ని అమలును చేపట్టాయి. ఈ కొత్త నిబంధనలను పటిష్టంగా అమలు చేయడానికి- ఢిల్లీ పరిధిలోని అన్ని పెట్రోల్ బంకుల్లో ఆటోమేటిక్ నంబర్ ప్లేట్ రికగ్నిషన్ (ANPR) కెమెరాలను ఏర్పాటు అయ్యాయి.

ఈ కెమెరాలు.. కేంద్ర ప్రభుత్వానికి చెందిన వాహన్ డేటాబేస్ తో అనుసంధానం అయ్యాయి. ఈ కెమెరాలు వాహనాల నంబర్ ప్లేట్లను స్కాన్ చేస్తాయి. వాటి కాల పరిమితిని తనిఖీ చేస్తాయి. వాహన్ డేటా బేస్ ద్వారా సమాచారాన్ని సేకరిస్తాయి. వాహనం నిబంధనలకు విరుద్ధంగా ఉంటే- పెట్రోల్ బంక్ సిబ్బంది పెట్రోల్ లేదా డీజిల్ పొయ్యడానికి అనుమతించరు.

ఒకవేళ ఏ ఫ్యూయల్ స్టేషన్ అయినా ఈ నిబంధనను ఉల్లంఘిస్తే, చట్టపరమైన చర్యలు ఎదుర్కోవాల్సి ఉంటుంది. నిబంధనలు ఉల్లంఘించి రోడ్లపై తిరుగుతున్న పాత వాహనాలను సీజ్ చేసి, కేంద్ర ప్రభుత్వ స్క్రాపేజ్ పాలసీ కింద స్క్రాప్ సెంటర్లకు పంపే అవకాశం ఉంది.

ఈ నిషేధం ఢిల్లీలో రిజిస్టర్ అయిన వాహనాలకు మాత్రమే పరిమితం కాలేదు. ఇతర రాష్ట్రాల్లో రిజిస్టర్ అయినప్పటికీ ఢిల్లీలో ఈ నిబంధన పరిధిలోకి వచ్చే వాహనాలకు కూడా వర్తిస్తుంది. ఈ కొత్త నిబంధనలను ఈ ఏడాది నవంబర్ 1వ తేదీ నుంచి గుర్గావ్, ఫరీదాబాద్, ఘజియాబాద్, గౌతమ్ బుద్ధ్ నగర్ (నోయిడా), సోనిపట్ వంటి ఇతర ఎన్సీఆర్ జిల్లాల్లో కూడా అమలులోకి వస్తుంది.

ఈ నిబంధనలను బట్టి చూస్తే- వాహన కాలుష్యాన్ని నియంత్రించడంలో ప్రభుత్వం ఎంత కఠినంగా వ్యవహరిస్తుందో అర్థం చేసుకోవచ్చు. పెట్రోల్ లేదా డీజిల్ సెకెండ్ హ్యాండ్ వాహనాన్ని కొనుగోలు చేయాలని ప్లాన్ చేసుకుంటే- ఈ నిబంధనను దృష్టిలో ఉంచుకోవడం తప్పనిసరి. వాహనం మోడల్, రిజిస్ట్రేషన్ ను జాగ్రత్తగా తనిఖీ చేసుకోవడం అవసరం.

English summary

A notice - 'fuel will not be dispensed to end-of-life vehicles (ELVs) - 15-year-old petrol and 10-year-old diesel vehicles from July 1, 2025', along with CCTV cameras and speakers, have been installed at petrol pumps in Delhi. కాలం చెల్లిన వాహనాలకు నేటి నుంచి పెట్రోల్, డీజిల్ విక్రయించకూడదని ఆయిల్ కంపెనీలు ప్రకటించాయి. దీనిపై బహిరంగ ప్రకటనలు జారీ చేశాయి.