షాకింగ్‌: రైల్వే స్టేషన్‌ టీవీలో నీలి చిత్రం.. సోషల్ మీడియాలో వైరల్ గా మారిన వీడియో

రైల్వే స్టేషన్ ప్లాట్ ఫాంపై ఉండే టీవీలో ఉన్నట్లుండి నీలిచిత్రం ప్రసారం కావడం, దాన్ని తన సెల్ ఫోన్ లో చిత్రీకరించిన ఓ ప్రయాణికుడు సోషల్ మీడియాలో పోస్టు చేయగా అది వైరల్ గా మారింది.

న్యూఢిల్లీ: రైల్వే స్టేషన్ ప్లాట్ ఫాంపై ఉండే టీవీలో ఉన్నట్లుండి నీలిచిత్రం ప్రసారం కావడంతో ప్రయాణికులు అవాక్కయిన ఉదంతమిది. ప్రయాణికుల్లో కొందరు షాక్ నుంచి తేరుకుని తమ సెల్ ఫోన్లకు పనిచెప్పారు. ఇలా తన సెల్ ఫోన్ లో రికార్డు చేసిన ఓ ప్రయాణికుడు దానిని సోషల్ మీడియాలో ఉంచడంతో ఈ ఘటన వెలుగులోకి వచ్చింది.

ఈ ఉదంతం ఢిల్లీలోని రాజీవ్ చౌక్ మెట్రో రైల్వే స్టేషన్ లో చోటు చేసుకుంది. నిత్యం రద్దీగా ఉండే ఈ రైల్వేస్టేషన్ లోని ప్లాట్ ఫారంపై ఉన్న ఓ టీవీలో ఏప్రిల్ 9న పోర్న్ వీడియో క్లిప్ ప్లే అయింది. దీనికి సంబంధించి ఓ ప్రయాణికుడు పోస్టు చేసిన వీడియో సోషల్ మీడియాలో వైరల్ గా మారింది.

దీంతో షాక్ తిన్న ఢిల్లీ మెట్రో రైల్ కార్పొరేషన్ లిమిటెడ్(డీఎంఆర్సీ) ఈ ఘటనపై విచారణకు ఆదేశించింది. రైల్వేస్టేషన్ లోని టీవీలో నీలిచిత్రం వస్తున్న సమయంలో దాని ముందునుంచే కొంతమంది ప్రయాణికులు నడుచుకుంటూ వెళుతున్న దృశ్యం ఆ వీడియోలో కనిపిస్తోంది.

దీంతోపాటు మరికొందరు ప్రయాణికులు కూడా తమ సెల్ ఫోన్లలో ఆ దృశ్యాన్ని చిత్రీకరిస్తున్నట్లు కూడా ఆ వీడియోలో కనిపిస్తోంది. ఈ ఘటనపై డీఎంఆర్సీ అధికారులను ప్రశ్నించగా, అది కమర్షియల్ యాడ్స్ కోసం ఉద్దేశించిన టీవీ అని, విచారణ జరుపుతున్నామని, బాధ్యులపై చర్యలు తీసుకుంటామని తెలిపారు.

English summary

Commuters at the busy Rajiv Chowk metro station in central Delhi’s Connaught Place were left shocked when a pornographic clip allegedly played out on an LED screen installed on a platform on April 9. The screen used to display advertisements allegedly started playing a porn video all of a sudden and lasted less than a minute. While some passed by the screen in usual hurry, many others stopped to record it on their mobile phones. One such video was uploaded on social media on Saturday and was shared multiple times. A Delhi Metro Rail Corporation spokesperson said a probe has been initiated to check if the video being shared online is authentic and who may be responsible for it.