మినీ స్కర్ట్‌లతో రావాలని యువతులకు ప్రిన్సిపల్ ఆర్డర్

లక్నో: ఓ గర్ల్స్ కాలేజీ మహిళా ప్రిన్సిపల్ కళాశాలలోని విద్యార్థినీలను మినీ స్కర్ట్స్ వేసుకొని రావాలని ఆదేశించడం.. ఆమెను చిక్కుల్లోకి నెట్టింది. ఈ సంఘటన ఉత్తర ప్రదేశ్ రాష్ట్రంలో జరిగింది. తల్లిదండ్రుల ఆమె పైన ఆగ్రహం వ్యక్తం చేశారు. అయితే, ఆ పొట్టి దుస్తులు కూడా యూనిఫాంలో భాగమేనని ఆమె తన ఆదేశాలను సమర్థించుకునే ప్రయత్నం చేసింది.

నవాబ్‌గంజ్‌లోని ఓ ప్రభుత్వ పాఠశాలకు అనితా రాణి ప్రిన్సిపాల్‌గా వ్యవహరిస్తోంది. అయితే, నూతన విద్యా సంవత్సరం నియమావళి అనుసరించి 6 నుంచి 8వ తరగతి వరకు విద్యార్థినులు తెల్లచొక్కా, గ్రే కలర్ స్కర్టులు ధరించాలని ఆదేశాలు జారీ చేసింది.

విద్యార్థినుల్లో అత్యధికులు అనితా రాణి ఉత్తర్వులకు అనుగుణంగా యూనిఫాం ధరించడం మొదలుపెట్టారు. కొందరుమాత్రం పాత విధానాన్ని అనుసరిస్తూ సల్వార్ కమీజ్, చున్నీ ధరించి స్కూల్‌కు వస్తున్నారు. దీంతో, ఆగ్రహించిన ప్రిన్సిపాల్ వారిని మందలించింది.

ఆ విద్యార్థినులు విషయాన్ని తమ తల్లిదండ్రులకు చెప్పడంతో, వారు ప్రిన్సిపల్ కార్యాలయం ముంద నిరసన చేపట్టారు. దీంతో, ఆ ప్రిన్సిపాల్ దిగి వచ్చింది. ఆరో తరగతి, అంతకంటే పై తరగతి చదివే వారికి స్కర్ట్‌ల నుండి మినహాయింపు ఉన్నదనే ప్రభుత్వ కాపీని విద్యార్థుల తల్లిదండ్రులు ఆమెకు చూపించారు.

English summary

The principal of a government girls' college in Nawabgunj faced the ire of parents and guardians of students after she issued orders making it mandatory for students to wear short skirts as part of their uniform. The orders have since been withdrawn.