కుంభరాశి, మీన రాశివారికి బాగా కలిసిరావాలంటే ఏం చేయాలి?
జ్యోతిష్య శాస్త్రం ప్రకారం కుంభం, మీనం అనేవి రాశి చక్రంలో చివరి రెండు రాశులు. కుంభ రాశికి శని భగవానుడు, మీన రాశికి గురు గ్రహం అధిపతులు. ఈ రెండు రాశుల వారికి జీవితంలో అడ్డంకులు తొలగి, అదృష్టం కలిసిరావాలంటే ఎలాంటి పరిహారాలు, నియమాలు పాటించాలో తెలుసుకుందాం. ఏ రాశి వారికైనా నిత్యం సూర్య నమస్కారాలు చేయడం, గాయత్రీ మంత్రం జపించడం, కులదైవాన్ని స్మరించుకోవడం వల్ల సానుకూల శక్తి పెరిగి, చేసే పనుల్లో విజయం లభిస్తుంది.
కుంభ రాశి
కుంభ రాశి స్థిర రాశి, వాయు తత్వానికి సంబంధించినది. దీని అధిపతి శని దేవుడు. వీరికి క్రమశిక్షణ, కఠిన శ్రమ ఎక్కువగా ఉంటాయి. కానీ కొన్నిసార్లు పనులు ఆలస్యం అవుతుంటాయి. ప్రతి శనివారం శని దేవునికి లేదా ఆంజనేయ స్వామికి నువ్వుల నూనెతో దీపం వెలిగించాలి. హనుమాన్ చాలీసా పఠించడం వల్ల శని దోషాలు తొలగి అదృష్టం కలిసివస్తుంది. శని దేవునికి పేదలు, శ్రామికులకు సహాయం చేయడం అంటే చాలా ఇష్టం. కాబట్టి వృద్ధులకు, వికలాంగులకు అన్నదానం లేదా వస్త్రదానం చేయడం వల్ల మంచి ఫలితాలు ఉంటాయి. శనివారం రోజున నల్లని నువ్వులు, నల్లని బట్టలు దానం చేయవచ్చు. అలాగే, ప్రగతి సాధించాలంటే వీరు బద్ధకాన్ని వీడి, మొండితనాన్ని తగ్గించుకోవాలి. శనివారం వీరికి అత్యంత అనుకూలమైన రోజు. నీలం, నలుపు, లేత ఆకుపచ్చ రంగులు వీరికి కలిసివస్తాయి.
మీన రాశి
మీన రాశి ద్విస్వభావ రాశి, జల తత్వానికి సంబంధించినది. దీని అధిపతి గురుడు. వీరు దైవభక్తి, కరుణ, సృజనాత్మకత కలిగి ఉంటారు. కానీ మానసిక ఆందోళన, నిర్ణయాలు సరిగ్గా తీసుకోలేకపోవడం వీరి బలహీనత. ప్రతి గురువారం దత్తాత్రేయుడిని, సాయిబాబాను లేదా రాఘవేంద్ర స్వామిని పూజించడం చాలా మంచిది. శివాలయంలో దక్షిణామూర్తిని ఆరాధించడం వల్ల కూడా అద్భుతమైన ఫలితాలు ఉంటాయి. గురువారం నాడు శనగలు, అరటిపండ్లు లేదా పసుపు రంగు వస్త్రాలను పూజారులకు లేదా పేదలకు దానం చేయాలి. గురువులను, తల్లిదండ్రులను, పెద్దలను గౌరవించడం, వారి ఆశీస్సులు తీసుకోవడం వల్ల మీన రాశి వారికి గురు బలం పెరిగి, అదృష్టం వరిస్తుంది. గురువారం వీరికి అత్యంత అదృష్ట దినం. పసుపు, కుంకుమ, బంగారు రంగులు వీరికి బాగా కలిసివస్తాయి.
Click it and Unblock the Notifications
Sign in with Google