ఈ ఏటీఎం కార్డుతో.. ఎన్నిసార్లు నగదు తీసుకున్నా.. నో సర్వీస్ ఛార్జ్

పోస్టాఫీసు సేవింగ్ ఖాతాకు సంబంధించిన ఏటీఎం కార్డుతో ఏ బ్యాంకు ఏటీఎం నుంచైనా, రోజుకు ఎన్నిసార్లయినా నగదు తీసుకోవచ్చని, ఎలాంటి లావాదేవీ రుసుము ఉండదని తపాలాశాఖ పేర్కొంది.

చెన్నై: బ్యాంకులు విధిస్తున్న నిబంధనలతో ఏటీఎం కేంద్రాల వైపు, బ్యాంక్ బ్రాంచిలవైపు చూసేందుకే వినియోగదారులు జంకుతున్నారు. ఈ పరిస్థితిని తపాలా శాఖ తనకు అనువుగా మార్చుకుంటోంది.

పోస్టాఫీసులో రూ.50తో అకౌంట్ ప్రారంభిస్తే చాలు.. వెంటనే ఏటీఎం కార్డు కూడా అందజేస్తామని, తమ ఏటీఎం కార్డు ద్వారా జరిపే లావాదేవీలపై ఎలాంటి సేవా రుసుములు విధించమని ప్రకటించుకుంటోంది.

దీని ప్రకారం.. కనిష్టంగా రూ.50 చెల్లించి తపాలా కార్యాలయాల్లో ఎవరైనా ఖాతా ప్రారంభించవచ్చు. పాస్ బుక్, ఏటీఎం కార్డు సౌకర్యం కలిగిన ఈ ఖాతాల ద్వారా సులభంగా నగదును తీసుకునే పథకాన్ని ప్రకటించింది.

ఈ విషయమై తపాలాశాఖ అధికారి ఒకరు మాట్లాడుతూ.. తపాలా ఏటీఎం కార్డును ఉపయోగించి ఏ పోస్టాఫీసు, ఏ బ్యాంకులకు చెందిన ఏటీఎంల నుంచైనా నగదు తీసుకోవచ్చని తెలిపారు.

ఈ ఏటీఎం కార్డుకున్న సౌలభ్యం ఏమిటంటే.. ఒకేరోజు ఎన్నిసార్లయినా నగదు డ్రా చేసుకోవచ్చు.. ఎన్నిసార్లు తీసుకున్నా ఎలాంటి సర్వీస్ ఛార్జీలు పడవు. బ్యాంకుల మాదిరిగానే తపాలా పొదుపు ఖాతాలకు 4 శాతం వడ్డీని అందిస్తున్నారు. పోస్ట్ పేమెంట్ బ్యాంకింగ్ అనే కొత్త పథకంలో డిపాజిట్లపై 4.5 నుంచి 5.5 శాతం వడ్డీని అందిస్తారు.

English summary

Imagine a bank with pan India presence where you need just Rs 50 minimum balance in your bank account (with no penalties) and Rs 20 is all you need to open this account. It might sound unreal at a time when private, foreign and now even public sector banks insist for a minimum balance anywhere between Rs 5,000 to Rs 1,50,000 and levy charges on almost any transaction you do with them, including cash transactions. These figures are true and this savings bank is India’s postal department. For accounts with cheque facility, the minimum balance and initial amount needed is Rs 500, but still way cheaper than all other banks.