మన తల్లులేమి సంతానోత్పత్తి చేసే ఫ్యాక్టరీలు కాదు: సాక్షి వ్యాఖ్యలకు ఆర్‌ఎస్ఎస్ చీఫ్

న్యూఢిల్లీ: ప్రతి హిందూ మహిళ కనీసం నలుగురికి జన్మనివ్వాలని గత నెల్లో బీజేపీ ఎంపీ సాక్షి మహారాజ్ ప్రకటించిన విషయం తెలిసిందే. ఈ వ్యాఖ్యలపై ఆర్ఎస్ఎస్ చీఫ్ మోహన్ భగవత్ స్పందించారు. మన మహిళలు సంతానోత్పత్తి చేసే ఫ్యాక్టరీలు కాదని హితవు పలికారు.

కాన్పూర్‌లో ఆయన సంఘ్ పరివార్ సమావేశంలో మాట్లాడుతూ "హమారీ మాతాయే ప్యాక్టరీ నహీ హై, బచ్చా పైదా కర్ణా వ్యక్తిగత్ నిర్ణయ్ హై(మన తల్లులేమీ ఫ్యాక్టరీలు కాదు, పిల్లలను ఉత్పత్తి చేయడానికి.... ఓ బిడ్డకు జన్మనిచ్చే అంశం వ్యక్తిగతమైంది)" అని పేర్కొన్నారు.

ప్రజల్లో వ్యాఖ్యలు చేసే ముందు ముందూ వెనుకా ఆలోచించాలని అన్నారు. గత నెల్లో వున్నావో ఎంపీ సాక్షి మహారాజ్ ప్రతి హిందూ మహిళ నలుగురి పిల్లలను కనడం ద్వారా హిందూ మతాన్ని కాపాడేందుకు పాటుపడాలని పిలుపునిచ్చారు. నలుగురిలో ఒకరిని సైన్యంలో చేర్చాలని, మరొకరిని మతానికి అంకితం చేయాలని, మిగిలిన ఇద్దరూ కుటుంబం కోసం పని చేయాలని ఆయన వివరించి ప్రబోధించారు.

English summary

Days after BJP MP Sakshi Maharaj caused an uproar when he urged every Hindu woman to give birth to four children, RSS chief Mohan Bhagwat has disowned the remark, saying “Hamaari maatayen factory nahin hain, bachcha paida karna vyaktigat nirnay hai (Our mothers are not factories, giving birth to a child is an individual choice)”.