శశికళ భర్త నటరాజన్ రీ-ఎంట్రీ: కీలకంగా మారబోతున్నారా!

అప్పట్లో పార్టీ వ్యవహారాల్లో నటరాజన్ జోక్యం నచ్చక ఆయన్ను దూరం పెట్టారు జయలలిత. అయితే ఆమె మరణం తర్వాత పోయెస్ గార్డెన్ లోకి ఆయన రీఎంట్రీ ఇవ్వడం ఆసక్తిని రేకెత్తిస్తోంది.

చెన్నై: తన జీవితం మొత్తంలో అతికొద్దిమందిని మాత్రమే నమ్మిన జయలలిత.. అనుమానం వస్తే ఎవరినైనా పక్కనబెట్టడానికి వెనుకాడలేదు. ఈ క్రమంలోనే ఆమె నెచ్చెలి శశికళ కొన్నాళ్ల పాటు దూరమయ్యారు. ఆ తర్వాత జయనే మళ్లీ శశికళను దరికి చేర్చుకోవడం.. చివరాఖరికి శశికళ చేతుల మీదుగానే ఆమెకు అంతిమ సంస్కారాలు నిర్వహించడం జరిగిపోయాయి.

కాగా, అమ్మ మరణం తర్వాత అన్నాడీఎంకె రాజకీయాల్లో పలు ఆసక్తికర పరిణామాలు చోటు చేసుకోబోతున్నాయంటూ కొన్ని బలమైన వాదనలు వినిపిస్తున్నాయి. అందులో శశికళ భర్త ఎం.నటరాజన్ రీఎంట్రీ ఒకటి. జయలలిత చాన్నాళ్లుగా ఆయన్ను దూరం పెడుతూ వస్తుండగా.. మంగళవారం నాటి అంత్యక్రియల కార్యక్రమానికి ఆయన హాజరయ్యారు.

దీంతో చాలా రోజుల తర్వాత నటరాజన పోయెస్ గార్డెన్ లో అడుగుపెట్టారు. రాజాజీ హాలులో జయకుఅంజలి ఘటించడంతో పాటు అంత్యక్రియలకు హాజరయ్యారు. అప్పట్లో పార్టీ వ్యవహారాల్లో ఆయన జోక్యం నచ్చకనే జయ ఆయన్ను దూరం పెట్టారన్న వాదనలున్నాయి.
మొత్తానికి జయ మరణం తర్వాత అన్నాడీఎంకె రాజకీయాలు ఏ మలుపు తీసుకోబోతాయో అన్న చర్చ కొనసాగుతున్న నేపథ్యంలో.. పోయెస్ గార్డెన్ లోకి నటరాజన్ ఎంట్రీ కాకతాళీయంగానే మిగిలిపోతుందా? లేక కీలకంగా మారే అవకాశముందా? అన్నది వేచి చూడాలి.

English summary

After somany days Sasikalas husband natarajan was entered into Jayalalithaas home poes garden after her death