వింత ప్రిన్సిపాల్: అమ్మాయిల తలగడతోనే.., డ్యాన్సులు

బెంగళూరు: నగరంలోని ఓ పాఠశాల ప్రిన్సిపాల్ తన వింత చేష్టలతో పాఠశాల హాస్టల్‌లో ఉంటున్న విద్యార్థినులను బెంబేలెత్తిస్తున్నాడు. ఆయన అలవాట్లు ఎలా వుంటాయంటే... రోజూ హాస్టల్లోని అమ్మాయిల నుంచి తలగడ తీసుకుని పడుకుంటే గానీ నిద్రపట్టదట. ఇంకా మద్యం మత్తులో హాస్టల్ ముందు డ్యాన్సులు చేస్తాడు. అతని అలవాట్లు, చేష్టలు విద్యార్థినులు, సిబ్బందిని తీవ్రంగా చిర్రెత్తించేలా చేశాయి. దీంతో పోలీసులకు ఫిర్యాదు చేశారు. ప్రిన్సిపాల్‌ను పోలీసులు అరెస్ట్ చేశారు.

వివరాల్లోకి వెళితే.. బెంగళూరు అర్బన్ జిల్లాలోని యెల్లమన్న పాళ్యలోని ఓ పాఠశాలకు మల్లికార్జున్ స్వామి అనే వ్యక్తి ప్రిన్సిపాల్‌గా వ్యవహరిస్తున్నాడు. అక్కడ విద్యార్థినులకు హాస్టల్ సౌకర్యం ఉంది. రాత్రివేళ ఈ ప్రిన్సిపాల్ పడుకోవాలంటే ఎవరైనా అమ్మాయి తన తలగడనో, దుప్పటినో ఇతగాడికి ఇవ్వాలట.

ఎందుకంటే వాటిపై పడుకుంటే రొమాంటిక్ కలలు వస్తాయని అతగాడి నమ్మకం. అంతేగాక రాత్రి అయిందంటే చాలు, కార్తీక్ అనే సహచరుడితో కలిసి దమ్యం సేవించి అమ్మాయిల హాస్టల్ ముందు డ్యాన్సులు చేయడం ఇతడి మరో విచిత్ర అలవాటు.

విద్యార్థినులతో పాటు వారి తల్లిదండ్రులు, ఇతర పాఠశాల సిబ్బంది కూడా మల్లికార్జున్ స్వామి వింత చేష్టలతో విసిగిపోయారు. చివరకు వారు పోలీసులకు ఫిర్యాదు చేశారు. కేసు నమోదు చేసుకున్న పోలీసులు, సదరు ప్రిన్సిపాల్‌ మల్లిఖార్జున స్వామిని, అతడి సహచరుడ్ని అరెస్టు చేశారు. స్వామి ఫోన్‌లో అమ్మాయిల ఫొటోలు ఉన్నాయని వచ్చిన ఆరోపణలపైనా పోలీసులు విచారిస్తున్నారు.

English summary

Mallikarjun Swamy, 52, principal of Kittur Rani Chennamma Residential School in Yellammana Palya, Anekal taluk, Bangalore Urban district, allegedly suffers from a perversity. He can't sleep till he rests his head on a pillow borrowed from a girl student.