షాకింగ్: ఫేస్ బుక్ లో శృంగారం లైవ్ స్ట్రీమింగ్.. యువకుడి అరెస్టు

కేరళలో ఓ యువకుడు మహిళతో శృంగారాన్ని నెరుపుతూ.. దానిని ఫేస్‌బుక్‌లో లైవ్‌ స్ట్రీమింగ్‌ చేశాడు. ఈ ఘటనపై ఆ మహిళ పోలీసులకు ఫిర్యాదు చేసింది. దీంతో పోలీసులు నిందితుడిని అరెస్టు చేశారు.

కొచ్చి: చేతిలో స్మార్ట్‌ఫోన్‌.. అందులో ఇంటర్నెట్‌ ఉంటే చాలు.. ఏదైనా ప్రత్యక్ష ప్రసారం చేసే అవకాశం లభిస్తోంది. అయితే, ఈ టెక్నాలజీని దుర్వినియోగపరిచేవారే ఎక్కువగా కనిపిస్తున్నారు. తాజాగా కేరళలో ఓ యువకుడు మహిళతో శృంగారాన్ని నెరుపుతూ.. దానిని ఫేస్‌బుక్‌లో లైవ్‌ స్ట్రీమింగ్‌ చేశాడు.

ఈ ఘటనపై ఆ మహిళ పోలీసులకు ఫిర్యాదు చేసింది. పెళ్లి చేసుకుంటానని నమ్మబలికి తనపై అతడు అత్యాచారం చేశాడని ఆరోపించింది. దీంతో పోలీసులు నిందితుడిని అరెస్టు చేశారు. ఈ ఘటన స్థానికంగా సంచలనం సృష్టించింది. స్థానిక మీడియా, పోలీసుల కథనాల ప్రకారం వివరాలిలా ఉన్నాయి.

లిను(23) అయే యువకుడికి ఇడుక్కీలోని ఓ వస్త్ర దుకాణంలో పనిచేసే మహిళతో వివాహేతర సంబంధం ఉంది. వివాహిత అయిన ఆమెకు ఓ చిన్నారి కూడా ఉంది. అయితే, భర్తకు దూరంగా ఉంటోంది. ఇద్దరూ ఆరు నెలలుగా వివాహేతర సంబంధాన్ని కొనసాగిస్తున్నారు.

పెళ్లి చేసుకుంటానని ఆమెను నమ్మించిన లిను తరచూ ఆమె ఇంటికి వెళ్లేవాడు. ఈ క్రమంలో అతను ఆ మహిళతో శృంగారంలో పాల్గొంటూ.. అదే సమయంలో ఆ దృశ్యాలను ఫేస్‌బుక్‌లో ప్రత్యక్ష ప్రసారం చేశాడు. ఈ వీడియో స్థానికంగా వైరల్‌గా మారిపోయింది.

ఇద్దరు పరస్పర సమ్మతితో శృంగారంలో పాల్గొన్నప్పటికీ.. ఆ దృశ్యాలను లిను ఫేస్‌బుక్‌లో ప్రత్యక్ష ప్రసారం చేస్తున్న సంగతి ఆమెకు తెలిసి ఉండకపోవచ్చునని పోలీసులు అంటున్నారు. అయితే లైక్ ల కోసమే తాను లైవ్‌ స్ట్రీమింగ్‌ చేశానని.. ఈ విషయం ఆమెకూ తెలుసనని లిను ఆరోపిస్తున్నాడు.

లిను ఫోన్‌లో ఇద్దరూ సన్నిహితంగా గడుపుతున్న వీడియోలు మరికొన్ని దొరికాయని పోలీసులు అంటున్నారు. ఆ మహిళపై ప్రతీకారం తీర్చుకోవడానికో, కోపం ప్రదర్శించడానికో అతను ఇలా ఫేస్ బుక్ లో ప్రత్యక్ష ప్రసారం చేసి ఉంటాడని పోలీసులు అనుమానిస్తున్నారు. అయితే, పరస్పర అంగీకారంతోనే శృంగారంలో పాల్గొనడంతో ఆ మహిళ పెట్టిన రేప్‌ కేసు మాత్రం నిలబడదని అంటున్నారు.

English summary

A 23-year-old fellow from Kerala did by live-streaming having sex with a woman he was having an affair with. After the woman filed a complaint against Linu, the man in question, was arrested by the police yesterday. His Facebook live-telecast, meanwhile, went viral on various social media platforms and instant messaging applications like WhatsApp. Reports said that the couple live-streamed having sex knowingly, but it seems the woman was unaware of what Linu was up to. The woman filed a case against Linu -- an employee at a hotel in Nedumkandam in Kerala's Idukki -- saying she was "raped" by him on the promise of marriage. The woman who filed the complained against Linu is married to another man and has a kid with him but does not live with her husband.